2021-11-12 11:49:32, 553 ნახვა
პოლიტიკა
ვლადიმერ ზელენსკი – ირაკლი ღარიბაშვილთან საუბარში ხაზი გავუსვი, რომ სააკაშვილის უფლებები გარანტირებული უნდა იყოს
უკრაინის პრეზიდენტ ვლადიმირ ზელენსკისა და საქართველოს პრემიერ–მინისტრ ირაკლი ღარიბაშვილს შორის სატელეფონო საუბარი გაიმართა.
როგორც ზელენსკი სოციალურ ქსელში წერს, მან ღარიბაშვილთან საქართველოს მესამე პრეზიდენტის, მიხეილ სააკაშვილის საკითხი განიხილა.
„საქართველოს პრემიერ-მინისტრ ირაკლი ღარიბაშვილთან სატელეფონო საუბარში ხაზი გავუსვი, რომ უკრაინის მოქალაქის, მიხეილ სააკაშვილის უფლებები სრულად უნდა იყოს გარანტირებული საერთაშორისო ნორმების შესაბამისად. მივმართე მიხეილ სააკაშვილის დედის, ნათესავებისა და უკრაინელი ექიმების მასთან დაშვების თხოვნით“, – წერს ზელენსკი სოციალურ ქსელ „ტვიტერში“.
ავტორი: ექსპრესნიუსი,
epn.ge (@expressnews.ge)
