ჟენევის საერთაშორისო დისკუსიებზე რუსეთის დელეგაციამ საოკუპაციო რეჟიმის წარმომადგენლებთან ერთად, ყურადღება გაამახვილა ძალის გამოუყენებლობის შესახებ შეთანხმების მნიშვნელობაზე, -  ამის შესახებ აღნიშნულია რუსეთის საგარეო საქმეთა სამინისტროს გავრცელებულ განცხადებაში.

"10-11 დეკემბერს ჟენევის საერთაშორისო დისკუსიების 51-ე რაუნდი ამიერკავკასიის უსაფრთხოებისა და სტაბილურობის საკითხზე, რომელშიც აფხაზეთი, საქართველო, სამხრეთ ოსეთი, რუსეთის ფედერაცია და შეერთებული შტატების წარმომადგენლები ევროკავშირის, გაეროს და ეუთოს თავმჯდომარეობით.

ჟენევის დისკუსიის მონაწილეები შეთანხმდნენ ჟენევის პლატფორმის მუდმივ აქტუალობაზე, მოლაპარაკებების მექანიზმზე, რომელიც უზრუნველყოფს პირდაპირი დიალოგის შენარჩუნებას თბილისსა და სოხუმს, ასევე ცხინვალს შორის.

რუსულმა, აფხაზურმა და სამხრეთ ოსურმა მხარეებმა ხაზი გაუსვეს საქართველოსა და მის მეზობლებს, აფხაზეთსა და სამხრეთ ოსეთს შორის ძალის გამოუყენებლობის შესახებ შეთანხმებაზე არსებითი მუშაობის განახლების მნიშვნელობას. ამ დოკუმენტს უდიდესი მნიშვნელობა აქვს სამხრეთ კავკასიაში სტაბილურობისა და უსაფრთხოების განმტკიცებისთვის. მისი აქტუალობა განსაკუთრებით მზარდია აშშ_სა და ნატო-ს სამხედრო აქტივობის გათვალისწინებით საქართველოსა და რეგიონში. სამწუხაროდ, საქართველოს დელეგაციამ კვლავ ვერ გამოავლინა კონსტრუქციული მიდგომა აღნიშნული საკითხის განხილვაში", - ვკითხულობთ განცხადებაში.

როგორც გავრელებულ ინფორმაციაშია აღნიშნული, დისკუსიებში მონაწილეებმა საქართველო-სამხრეთ ოსეთისა და აფხაზეთის სასაზღვრო რაიონებში სიტუაცია, მშვიდად აღიარეს.

„რუსეთმა მოუწოდა ყველა დაინტერესებულ მხარეს, გამოიჩინონ თავშეკავება და მოიძიონ საერთო ენა დიალოგის გზით არსებულ მოლაპარაკებათა ფორმატში, მათ შორის ერგნეთსა და გალში მომხდარი ინციდენტების თავიდან აცილებისა და მათზე რეაგირების მექანიზმების ჩარჩოებში“, - აღნიშნულია განცხადებაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს