პარტია „მოქალაქეების“ ლიდერის, ალეკო ელისაშვილის განცხადებით, სირცხვილია, როდესაც ოპოზიცია ერთი ხელით მანდატებს ხევს და მეორე ხელით მოლაპარაკებაზე მიდის.

როგორც მან სოციალურ ქსელში გავრცელებულ ვიდეომიმართვაში აღნიშნა, თუ „ქართული ოცნება“ ოპოზიციის მოთხოვნებს დააკმაყოფილებს, შეთანხმებას ყველა პარტიამ ხელი უნდა მოაწეროს და პარ;ლამენტშ შევიდეს.

„პიონერთა სასახლეში ძალიან უხერხული რამ ხდება. შეიკრიბნენ და ამბობენ, მანდატები უნდა დავხიოთო. ძალიან სასაცილოა, რომ ბურჯანაძე, ბოკერია, უგულავა, რომლებსაც მანდატები არ აქვთ, მივიდნენ და მანდატები დავხიოთო ამბობენ, ჯერ ეს რა უბედურებაა? თან ამბობენ, რომ მანდატებს ვხევთო და თან ამბობენ, რომ მოლაპარაკებებზე უნდა წამოვიდეთო. მოლაპარაკებაზე რაზეა საუბარი იცით? თუ „ქართული ოცნება“ ჩვენს მოთხოვნებს დააკმაყოფილებს, ხელი უნდა მოვაწეროთ იმ შეთანხმებას, იმ შეთანხმებას თუ ხელს მოვაწერთ, პარლამენტში უნდა შევიდეთ ყველანი, ისინიც, ვინც დღეს მანდატებს ხევენ და უხერხული არ არის? სირცხვილი არ არის, რომ ერთი ხელით მანდატებს ხევდე და მეორე ხელით მოლაპარაკებაზე მიდიოდე, რომ რაღაცას ხელი მოაწერო? მე არც პიონერთა სასახლის ეზოში ვზივარ და არც პარლამენტში ვარ. რა თქმა უნდა, იმ პარლამენტში არ შევიდოდი, მე არ მითქვამს პარლამენტში შესვლა მინდა და არიქა გავრბივართქო, მე ვთქვი, რომ არის რაღაც, რაც ძალიან მნიშვნელოვანია ამ ქვეყნისთვის“, - განაცხადა ალეკო ელისაშვილმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს