შავი ზღვის რეგიონში ძალების გაძლიერებას საქართევლოსთან და უკრაინასთან ოთხშაბათს განვიხილავთ, - ამის შესახებ ნატო-ს გენერალურმა მდივანმა, იენს სტოლტენბერგმა პრესკონფერენციაზე, ჟურნალისტების კითხვების საპასუხოდ განაცხადა.

ამასთანავე, იენს სტოლტენბერგმა ხაზი გაუსვა საქართველოს ტერიტორიების ოკუპაციას და ყირიმის ანექსიას.

„ჩვენ მჭიდროთ ვთამაშრომლობთ უკრაინასა და საქართველოსთან შავი ზღვის რეგიონში, ჩვენ ვნახეთ, რომ რუსეთმა შელახ ამ ორი ქვეყნის ტერიტორიული მთლიანობა და სუვერენიტეტი. რუსეთის ჯარი წარმოდგენილია ტერიტორიაზე, რომელსაც აღიარებს საერთაშორისო საზოგადოება საქართველოს ნაწილად, ასევე, რუსეთმა მოახდინა ყირიმის არალეგალური ანექსია. ჩვენ ვუწევთ პოლიტიკურ და პრაქტიკულ მხარდაჭერას საქართველოს და უკრაინას. ვხედავთ, რომ რუსეთი აგრძელებს სამხედრო წარმომადგენლობის გაფართოვებას, სულ მცირე ყირიმში მაინც და ამიტომ, ნატო-მ უნდა გააძლიეროს თავისი წარმომადგენლობა რეგიონში, სწორედ ამ საკითხზე გვექნება საუბარი საქართველოსა და უკრაინის საგარეო საქმეთა მინისტრებთან, ოთხშაბათს“, - განაცხადა ნატო-ს გენერალურმა მდივანმა.

მანვე დასძინა, რომ შავი ზღვის რეგიონი ჩრდილოატლანტიკური ალიანსისთვის სტრატეგიულად მნიშვნელოვანია.

„ჩვენ მჭიდრო თანამშრომლობა გვაქვს შავი ზღვის რეგიონში ორ ახლო მოკავშირესთან, საქართველოსა და უკრაინასთან. ნატო შავი ზღვის რეგიონში ფართოდ არის წარმოდგენილი, გვყავს საზღვაო წარმომადგენლობა. ცოტა ხნის წინ, ჩვენ ჩავატარეთ წვრთნები, სადაც მონაწილეობდნენ მოკავშირეთა გემებიც“, - განაცხადა იენს სტოლტენბერგმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს