იმედი მაქვს, ოპოზიცია მოუხმობს კეთილგონიერებას და პოლიტიკურ ბრძოლას საპარლამენტო ფორმატში გადაიტანს, - ამის შესახებ ეკონომიკისა და მდგრადი განვითარების მინისტრმა, ნათია თურნავამ მთავრობის ადმინისტრაციაში გამართულ ბრიფინგზე განაცხადა.

მისივე თქმით, ოპოზიცია, განსაკუთრებით მათი ულტრარადიკალური ნაწილი, ჩარჩენილია წარსულში.

„მე დიდი იმედი მაქვს, რომ კეთილგონიერებას მოუხმობენ ჩვენი ოპოზიციონერები და გადაიტანენ თავის პროცესს და პოლიტიკურ ბრძოლას საპარლამენტო ფორმატში, რაც ერთადერთი აპრობირებული ცივილიზებული გზაა. მოგვიწოდებენ ყველას და პირველ რიგში მათ, ჩვენი საერთაშორისო პარტნიორები, იცით აშშ-ს სახელმწიფო დეპარტამენტის განცხადებები, რომელიც ცალსახად მოუწოდებს ოპოზიციას, რომ თავი დაანებოს დესტრუქციულ ბოიკოტს და ნებისმიერი პოლიტიკური ბრძოლა, დებატები და ა.შ გადაიტანოს საპარლამენტო ფორმატში, მათ საინტერესო მეტაფორაც კი გამოიყენეს, რომ ეს ბოიკოტი გავს უკვე ერთხელ ნანახი ფილმის ხელახალ ყურებას, ანუ ეს იმას ნიშნავს, რომ ზოგიერი ჩვენი ოპოზიციონერი, განსაკუთრებით ულტრარადიკალური ნაწილი ჩარჩენილია წარსულში, საზოგადოებრივი დაკვეთა კი სხვაა. ეს არის ევოლუცია, მშვიდობიანი განვითარება, საპარლამენტო გზა და არა ქუჩა, ამიტომაც ჩვენი ამომრჩეველი, რომელიც მივიდა არჩევნების დღეს საარჩევო უბანზე და არ გავიდა ქუჩაში. რაც უფრო მალე შეიტყობენ რა არის მათი ამომრჩევლის დაკვეთა, მით უფრო მეტად ადეკვატურები იქნებიან ისინი და დარჩებიან პოლიტიკურ ასპარეზზე“, - განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს