პარლამენტის თავმჯდომარის არჩილ თალაკვაძის განცხადებით, ოპოზიციასთან კონსულტაციების მომდევნო რაუნდი უახლოეს დღეებში შედგება.

თალაკვაძემ აღნიშნა, რომ პირველივე შეხვედრაზე რაიმე ძირითადი შეთანხმებები მოხდებოდა, თუმცა შეინიშნება პოზიტიური ნიშნები.

„პოლიტიკური დიალოგი დაიწყო. დიალოგი პოლიტიკურ პარტიებს შორის არის ქვეყნის და საზოგადოების ინტერესებში. ვიტყოდი რომ ეს იყო პოლიტიკური კონსულტაციების პოზიტიური დასაწყისი. დიდი იმედი მაქვს რომ დიალოგი გაგრძელდება და ჩვენი დემოკრატიისთვის მნიშვნელოვან შედეგამდე მივალთ ჩვენი დიდი სურვილია, რომ დავაახლოვოთ პოზიციები. აშშ-სა და ევროკავშირის ელჩებმა ძალიან მნიშვნელოვანი მხარდაჭერა გამოხატეს იმისათვის რომ ეს პოლიტიკური დიალოგი დასრულდეს კონკრეტული შედეგით.

მნიშვენელოვანია, რომ ჩვენ შევთანხმდით, რომ კიდევ ერთი რაუნდი შედგება პოლიტიკური კონსულტაციების უახლოეს დღეებში, რაც შეეხება იმ პოზიციებს, რომელიც განსხვავებულია. გვსურს მივიდეთ იმ შედეგამდე, რასაც ყველა პასუხს სცემს.

პირველ შეხვედრაზე არ უნდა გქონდეთ მოლოდინი, რომ ძირითადი შეთანხმებები მოხდებოდა, თუმცა პოლიტიკური დიალოგის დაწყება პოზიტიურია. შემიძლია ვთქვა, რომ დიალოგის დაწყება ემსახურება პოზიციების დაახლოებას. შესაბამისად, ამ შეხვედრას შევაფასებდი პოზიტიურად, დიალოგს არ აქვს ალტერნატივა“, - განაცხადა თალაკვაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს