ჩვენი ხელისუფლება და ივანიშვილი შეუქცევადად დაადგა ლუკაშენკოს გზას, - ამის შესახებ „ევროპული საქართველოს“ ლიდერმა, დავით ბაქარძემ პარლამენტთან მიმდინარე საპროტესტო აქციაზე სიტყვით გამოსვლისას განაცხადა.

როგორც მან აღნიშნა, ჩვენ გვყავს მთავრობა, რომელიც საკუთარი სკამებისთვის ყველაფერზე წავა.

„გუშინ როგორც ნახეთ, შეშინებულმა „ქართულმა ოცნებამ“, რომელიც მარტო არჩევნებს არ აყალბებს, ჩვენ გვიკვირდა ბიულეტენებში როგორ გააყალბეს ხალხიო. ბიულეტინებში კი არა აგერ ცოცხალი ხალხი გააყალბეს და 2500 ადამიანი იყოო გვითხრეს.

ბევრი ვართ და კიდევ მეტი ვიქნებით იმიტომ, რომ ეს არის ბრძოლა საქართველოსთვის. რადგან გაყალბებული ხმებით და ბიულეტენებითაც კი „ქართულმა ოცნებამ“ ვერ დაიწერა 48%-ზე მეტი. ეს იმას ნიშნავს, რომ თამარ ჟვანიას გათვლებითაც კი ხალხის 52% ვართ ჩვენ.

ყველას გვესმის, რომ ჩვენ შესული ვართ რთულ და საშიშ პროცესში იმიტომ, რომ ხელისუფლებამ, რომელმაც გააყალბა არჩევნები გუშინ დაამატა კიდევ ერთი დანაშაული და ეს იყო არაპროპორციული ძალის გამოყენება ადამიანების წინააღმდეგ. ქალების, ბავშვების და ასაკოვანი ხალხის წინააღმდეგ. ჩვენი ხელისუფლება და ივანიშვილი შეუქცევადად დაადგა ლუკაშენკოს გზას. არჩევნების გაყალბება და ხალხის წინააღმდეგ ძალის გამოყენება ეს არის ლუკაშენკოს გზა, ეს არის ჩრდილო კორეის გზა. ამიტომ, ასეთი დიქტატორები და რეჟიმები სწრაფად და ცუდად ამთავრებენ. ჩვენი ამოცანაა არ გადავაყოლოთ ქვეყანა ივანიშვილს, არ გადავაყოლოთ ქვეყანა „ქართულ ოცნებას“, არ შევიყვანოთ საქართველო დაპირისპირების, ძალადობისა და არეულობის სპირალში. იმიტომ, რომ ჩვენ გუშინ ყველამ ვნახეთ, რომ ჩვენ გვყავს მთავრობა, რომელიც საკუთარი სკამებისთვის ყველაფერზე წავა. არჩევნებსაც გააყალბებს და ხალხსაც დაარბევს. მათ არ აწუხებთ საქართველო, მათ აწუხებთ საკუთარი თავი ქვეყანაში. ამიტომ, ჩვენი ვალდებულებაა არ მივცეთ საშუალება გადააყოლონ საკუთარი ძალაუფლება საქართველოს. ჩვენი ბრძოლა უნდა იყოს მშვიდობიანი“, - განაცხადა დავით ბაქრაძემ.  

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს