მიწის დამუშავება და მოსავლის მოყვანა ფერმერებისგან დიდ შრომას და ძალისხმევას მოითხოვს. ამ საქმიანობას თან უამრავი რისკიც ახლავს. ფერმერები მთელი წლის განმავლობაში დამოკიდებულნი არიან ამინდსა და მის ცვალებადობაზე, რადგან მოსავლის მოყვანას ხელსაყრელი პირობები სჭირდება. მოულოდნელი სტიქია კი მათ დიდ ზარალს აყენებთ, რის წინაშეც ყველა უძლურია. სტიქიისგან თავს ვერ დავიცავთ მაგრამ ზარალისგან თავდაცვა შესაძლებელია. აგროდაზღვევა სწორედ აღნიშნული რისკისგან იცავს ფერმერებს.

აგროდაზღვევა ფერმერებისთვის

თიბისი დაზღვევამ ფერმერებისთვის აგროდაზღვევის ნაკრები შექმნა, რომელიც მათზე მორგებული, მოქნილი და მოსახერხებელი პირობებით გამოირჩევა. დაზღვევის ნაკრები სახელმწიფოსთან თანამშრომლობითაა შემუშავებული, სადაც სახელმწიფო თანადამფინანსებელია და ფერმერს მხოლოდ დაზღვევის ნაკრების ღირებულების ნაწილის დაფარვა უწევს.

ფერმერებს საშუალება აქვთ მოსავალი 4 ძირითადი რისკისგან დააზღვიონ, ესენია:

• სეტყვა;
• უხვი ნალექი (წყალდიდობა);
• ქარიშხალი;
• საშემოდგომო ყინვა (გათვალისწინებულია მხოლოდ ციტრუსისთვის).

აგროდაზღვევის ნაკრებით შესაძლებელია შემდეგი სახის კულტურების დაზღვევა: ვაზი, ხეხილი, მარცვლეული, პარკოსანი, ბოსტნეული, ბაღჩეული, კაკლოვანი, სუბტროპიკული, კენკროვანი და ციტრუსი. რაც შეეხება თანადაფინანსებას, სახელმწიფო ფარავს ყველა ჩამოთვლილი კულტურის სადაზღვევო ნაკრების ღირებულების 70%-ს, 30%-ს კი ფერმერი იხდის. გამონაკლისი მხოლოდ ვაზია, სადაც სახელმწიფო დაფინანსება 50%-ს შეადგენს.

რა პირობებს უნდა ვაკმაყოფილებდეთ

აგროდაზღვევის შეძენა ნებისმიერ ფერმერს შეუძლია, ვისაც სურვილი აქვს, რომ უამინდობისგან გამოწვეული ზარალი წინასწარ დააზღვიოს. თუმცა მის შესაძენად ფერმერებს რამდენიმე კრიტერიუმის დაკმაყოფილება მოეთხოვებათ. მოთხოვნები კი მარტივია:

• აუცილებელია, რომ მიწის ნაკვეთი რეგისტრირებული იყოს საჯარო რეესტრის ეროვნულ სააგენტოში და დაზღვევის შეძენისას ფერმერს თან ჰქონდეს ეს დოკუმენტი;

ნაკვეთის ფართი, რომელზეც გავრცელდება დაზღვევა, არ უნდა აღემატებოდეს 5 ჰექტარს. ეს მოთხოვნა არ ეხება 

• მარცვლეულ კულტურას. ამ შემთხვევაში ნაკვეთი არ უნდა აღემატებოდეს 30 ჰექტარს. ფართის შეზღუდვა არც ერთ კულტურაზე არ ეხება კოოპერატივს.

იმ შემთხვევაში თუ ფერმერი ვერ აკმაყოფილებს ზემოთ ჩამოთვლილ მოთხოვნებს, თიბისი დაზღვევაში აგროდაზღვევის ნაკრებით სარგებლობა მაინც შეეძლება, თუმცა ღირებულების სრული ნაწილის გადახდა თავად მოუწევს.

სად და როგორ შევიძინოთ აგროდაზღვევა

ფერმერებს აგროდაზღვევის შეძენა თიბისი ბანკის შიდა ქართლისა და კახეთის რეგიონალურ ფილიალებში შეუძლიათ. ნაკრების ღირებულება კულტურების მიხედვით განსხვავებულია. აღსანიშნავია, რომ ნებისმიერი კულტურის მოსავალი საბაზრო ღირებულებითაა დაზღვეული და ზარალის დადგომის შემთხვევაში, ფერმერი სრულად მიიღებს წინასწარ დაგეგმილ თანხას. ეს კი ნიშნავს რომ წაგება უბრალოდ გამორიცხულია - ფერმერისთვის შემოსავალი გარანტირებულია.

თიბისი დაზღვევა ფერმერებს მხარდაჭერას სხვა ფორმითაც უცხადებს - სურვილის შემთხვევაში, სადაზღვევო ნაკრების ღირებულება სესხის სახით გაიცემა. ამ გზით აგროდაზღვევა ყველა ფერმერისთვის ხელმისაწვდომია.

ფერმერებისთვის ყველა რისკის წინასწარი გათვლა შეუძლებელია, თუმცა უკვე არსებობს მათ საჭიროებებზე მორგებული სადაზღვევო ნაკრები, სადაც ძირითადი რისკები გათვალისწინებულია. თიბისი დაზღვევასთან ერთად მოსავალი და შემოსვალი დაცულია.

ავტორი: R (რეკლამა),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს