2020-06-24 10:36:21, 2191 ნახვა
საზოგადოება
საბერძნეთში საქართველოს მოქალაქე ტრაგიკულად დაიღუპა
საბერძნეთში ხანძრის შედეგად საქართველოს მოქალაქე ტრაგიკულად დაიღუპა. გარდაცვლილი 36 წლის ქალია.
ბერძნული მედიის ცნობით, ცხედარი საცხოვრებელ სახლთან არსებულ გაზონზე აღმოაჩინეს მაშინ, როდესაც ქალს ცეცხლი ისევ ეკიდა. ადგილზე მისულ მეხანძრეებს და პოლიციას კი, ქალი გარდაცვლილი დახვდათ.
თვითმხილველების განცხადებით, ქალი საცხოვრებელი სახლის მეოთხე სართულიდან გადმოვარდა.
ინციდენტი მოხდა სამშაბათს, შუადღით, 13:00 საათზე.
მომხდართან დაკავშირებით დეტალები ჯერჯერობით უცნობია.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
