ტურიზმის ეროვნული ადმინისტრაციის რჩევაა, რომ შიდა მოგზაურები განთავსდნენ ისეთ სასტუმროებში, რომლებსაც შემოწმება გავლილი აქვთ, - ამის შესახებ ტურიზმის ეროვნული ადმინისტრაციის ხელმძღვანელმა, მარიამ ქვრივიშვილმა მთავრობის ადმინისტრაციაში გამართულ ბრიფინგზე განაცხადა.

მისი თქმით, ის განთავსების ობიექტი, რომელიც როგორც მეწარმე არ არის დარეგისტრირებული ჯანდაცვის სამინისტროს შესაბამის ვებ-გვერდზე და არ აქვს  ჩატარებული ინპექტირება, კანონდარღვევად ითვლება.

„დღეს ჩვენთვის ძალიან მნიშვნელოვანი დღეა, რადგან გაიხსნა შიდა ტურიზმი. ეს არის პირველი ეტაპი იმ ჩვენთვის ძალიან მნიშვნელოვანი ინდუსტრიის ამოქმედებისთვის, როგორიც არის ტურიზმის ინდუსტრია. მოგეხსენებათ, რომ ის რეგულაციები, რომელიც სავალდებულო გახდა კორონავირუსის პერიოდში, უკვე ორ კვირაზე მეტია გამოქვეყნებულია. ის გახდა საჯარო არა მხოლოდ კერძო სექტორისთვის, არამედ ჩვენი ქვეყნის მოსახლეობისთვის.

რეგულაციები შეეხება ისეთ მიმართულებებს, როგორიცაა განთავსების ობიექტები, კვების ობიექტები, როგორც ტურისტული ტრანსპორტი, ასევე ტურისტული გიდი. მნიშვნელოვანია იმის ხაზგასმა, რომ განთავსების ობიექტებს მოუწევთ პირველ ეტაპზე გაიარონ უმთავრესად შემოწმება. თუკი ინსპექტირებას გაივლიან წარმატებით, მათ მიენიჭებათ ოპერირების განხორციელების საშუალება, რას მისცემთ მათ საშუალებას, რომ უმასპინძლონ შიდა, ისევე როგორც საერთაშორისო მოგზაურებს. თუკი განთავსების ობიექტი როგორც მეწარმე არ რეგისტრირდება და აქამდე არ არის დარეგისტრირებული ჯანდაცვის სამინისტროს შესაბამის ვებ-გვერდზე და მას არ ჰქონია დღევანდელ დღემდე ჩატარებული ინპექტირება და ნებართვა არ აქვს მინიჭებული, ეს არის კანონდარღვევა.

აქედან გამომდინარე, ჩვენი რეკომენდაცია შიდა მოგზაურებისთვის არის ის, რომ ძალიან სწორად შეაფასონ ის ვითარება, რომელიც კორონავირუსთან მიმართებაში გვაქვს და რა თქმა უნდა, იმოგზაურონ და განთავსდნენ ისეთ სასტუმროებში, სადაც მაქსიმალურად მოხდენილია უკვე შემოწმება და ნებართვაც გაცემულია. ჩვენ როგორც ტურიზმის ეროვნული ადმინისტრაცია აღნიშნულ სიას დღის განმავლობაში გავასაჯაროებთ. ეს იქნება ეტაპობრივად განახლებადი ინფორმაცია, რადგან ჯანდაცვის სამინისტრო ახდენს ყოველდღიურ რეჟიმში ინსპექტირების განხორციელებას სასტუმრობში და მთელი საქართველოს მასშტაბით. ეს იქნება გამწვირვალე ინფორმაცია იმისთვის, რომ სამართლიანი იყოს ჩვენი ქვენის მოსახლეობისთვის, რომ უსაფრთხოდ განაგრძონ ქვეყანაში მოგზაურობა“, - განაცხადა მარიამ ქვრივიშვილმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს