მარნეულში რასობრივი დისკრიმინაციის თემაზე დაწყებული საქმის ირგვლივ სუს-ში სამოქალაქო აქტივისტები და არასამთავრობო ორგანიზაციის წევრები დაიკითხებიან.

ცოტა ხნის წინ, სუს-ში პარლამენტის ყოფილი წევრის და ამჟამად არასამთავრობო ორგანიზაციის ხელძღვანელის, ზუმრუდ გურბანოვის დაკითხვის პროცესი დაიწყო.

როგორც გურბანოვი აღნიშნავს, მას არც ამ საქმესთან და არც რასობრივი შუღლის გაღვივებასთან კავშირი არ აქვს.

„როცა დამიკავშირდნენ, მითხრეს, რომ ნარიმან ნარიმანოვის საკითხთან დაკავშირებით დამიბარეს, ვფიქრობ, საუბარი მხოლოდ ამ საკითხზე შედგება. ეპიდემიის დროს საქართველო ძალიან დიდ პრობლემას აწყდება. მაშინ როდესაც საქართველოს ტერიტორიების ღია და დაუმალავი ოკუპაცია და მიტაცება ხდება, ვიღაც ქვეყანაში დესტაბილიზაციის მოწყობას ცდილობს. მინდა მათ ვუთხრა, რომ ჩვენ, ქართველი აზერბაიჯანელი მოსახლეობა, არავის მივცემთ იმის უფლებას, რომ აქ დაძაბულობის კერა შექმნან. ვერავინ ვერ შეძლებს საკუთარი პოლიტიკური ინტერესები ქვეყნის ინტერესებზე მაღლა დააყენოს“, - განაცხადა ზუმრუდ გურბანოვმა.

მანვე დასძინა, რომ მარნეულში არიან ჯგუფები, რომლებიც ეროვნულ შუღლს ნამდვილად ავრცელებენ. ამის მაგალითად კი მან ერთ-ერთი ფეისბუქ გვერდი „ალილო მარნეული“ დაასახელა, რომელზეც ეთნიკურად აზერბაიჯანელების მიმართ შეურაცხმყოფელი და რასისტული გამონათქვამები ქვეყნდება.

გურბანოვი აღნიშნავს, რომ მსგავსი ჯგუფების უკან რუსული ინტერესები დგას.

ცნობისთვის, საქმეს გრიფით საიდუმლო ადევს და მასზე გამოძიება უკვე ათ დღეზე მეტია მიმდინარეობს. ამავე თემაზე სუს-ში რამდენიმე დღის წინ მარნეულის მუსლიმთა სამმართველოს შეიხიც დაკითხეს.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს