პატრიარქის მოსაყდრე, მიტროპოლიტი შიო მუჯირი სხვა სასულიერო პირებთან ერთად დავით გარეჯის სამონასტრო კომპლექსში ჩავიდა.

მეუფე შიომ იმედი გამოთქვა, რომ საზღვრის დამდგენი ორმხრივი კომისია, რომელიც ახალი შემადგენლობით მუშაობს, წინაზე პრინციპული იქნება.

„მისი უწმინდესობის ღვაწლის ერთ-ერთი დიდი შედეგია ჩვენი სამონასტრო ცხოვრების გაცოცხლება საქართველოში და მათ შორის, დავით გარეჯში. ჩვენ ვულოცავთ მთელ საქართველოს ამ დღეს და, რა თქმა უნდა, ვფიქრობთ იმ ორ მონასტერზე, რომლებიც იმყოფება დავით გარეჯის მახლობლად. ეს არის უდაბნო და ჩიჩხიტური. ეს ორი სავანეა, რომლებიც ისტორიულად არის ქართული ძეგლები და ქართული სავანეები, ღირსი დავით გარეჯელის დროინდელია, მისი თანამედროვეა და მისი თანამედროვეების დაარსებულია. სამწუხაროდ, დღეს ჩვენ იქ ვერ ავდივართ, ვერ ვლოცულობთ და ვერ ვწირავთ“, – აღნიშნა მეუფე შიომ.

როგორც მეუფე იმედოვნებს, დავით გარეჯის საკითხზე სიმართლე დადგინდება.

„დღეს ჩვენ ვევედრეთ ღირს მამა დავითს, რომ ეს ვითარება სულ მალე შეიცვალოს. თქვენ იცით, რომ მუშაობს ორმხრივი კომისია, ახალი კომისია. როგორც ვიცით და იმედი გვაქვს, ეს კომისია ბევრად უფრო პრინციპულია, ვიდრე წინა პერიოდში იყო, ამიტომ იმედი გვაქვს, რომ დადგინდება ეს სიმართლე და სულ ცოტა ხანში შევძლებთ იქ წირვა-ლოცვის ჩატარებას. ჩვენ გვაქვს იმედი, რომ ჩვენი ძმობაც შენარჩუნდება, რომელიც გვაქვს აზერბაიჯანთან და ამასთან ერთად, ეს სიმართლეც დადგინდება და კომისიის მუშაობა კეთილად წარიმართება“, - განაცხადა მეუფე შიომ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს