ყურძნის უხვი მოსავლის მოლოდინში მთავრობა რთველისთვის მზადებას იწყებს, - კორონავირუსის გავრცელებით გამოწვეული კრიზისის ფონზე მეღვინეობის სექტორის მხარდაჭერის ღონისძიებებზე საქართველოს პრემიერ-მინისტრმა გიორგი გახარიამ შესაბამისი უწყებების წარმომადგენლებთან დღეს სამუშაო შეხვედრა გამართა.

საუბრისას განიხილეს მსოფლიო პანდემიის გამო მეღვინეობის ინდუსტრიაში შექმნილი მდგომარეობა და ზარალი, რომელიც დარგმა შემცირებული ტურიზმის პირობებში მიიღო.

იმსჯელეს ანტიკრიზისული გეგმით გათვალისწინებულ ბიზნესის მხარდამჭერ ნაბიჯებზე, რომლებიც მეღვინეობის სექტორსაც ეხება.

გარდა ამისა, მთავრობის გადაწყვეტილებით, გაფართოვდა შეღავათიანი აგროკრედიტის პროგრამა და ის უკვე ღვინის ინდუსტრიასაც მოიცავს, რაც ღვინის კომპანიებს პანდემიით გამოწვეული პრობლემების გადალახვაში შეუწყობს ხელს.

პრემიერ-მინისტრის დავალებით, გარემოს დაცვისა და სოფლის მეურნეობის სამინისტრო, ყველა შესაბამის უწყებასთან ერთად, ინტენსიურ რეჟიმში მუშაობას განაგრძობს, რათა ყურძნის მოსავლის დაბინავებაში პრობლემები არ შეიქმნას და რთველის სეზონს როგორც სახელმწიფო, ისე - კერძო სექტორი მაქსიმალურად მომზადებული შეხვდეს.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს