2024-02-27 16:50:32, 1869 ნახვა
მსოფლიო
ევროპარლამენტმა უკრაინისთვის 50 მილიარდი ევროს გამოყოფას მხარი დაუჭირა
ევროპარლამენტმა უკრაინისთვის 50 მილიარდი ევროს გამოყოფას მხარი დაუჭირა.
აღნიშნულის შესახებ ინფორმაციას უკრაინული მედია ავრცელებს.
მედიის ცნობით, მაკროფინანსური დახმარების პაკეტი ხმათა უმრავლესობით (536 ხმით) დამტკიცდა, წინააღმდეგ 40 ევროპარლამენტარი წავიდა, ხოლო 39-მა თავი შეიკავა.
შეგახსენებთ, რომ 1-ელ თებერვალს ევროკავშირის ლიდერებმა დაძლიეს უნგრეთის წინააღმდეგობა და უკრაინისთვის 50 მილიარდი ევროს ოდენობის მაკროფინანსური დახმარების გამოყოფაზე შეთანხმებას მიაღწიეს, ხოლო დახმარების პროგრამის შექმნის გადაწყვეტილებას ევროპარლამენტის შესაბამისმა კომიტეტებმა 22 თებერვალს დაუჭირეს მხარი.
ავტორი: ექსპრესნიუსი,
epn.ge (@expressnews.ge)
