სტუმრობდა ტერიტორიაზე ფსიქიკური სერვისების მიმღები პირების ნამუშევრების გამოფენა-გაყიდვაში მიიღეს მონაწილეობა

10 ოქტომბერი ფსიქიკური ჯანმრთელობის საერთაშორისო დღეა. ამ დღის მიზანია ფსიქიკური ჯანმრთელობის მხარდასაჭერად საზოგადოების ცნობიერების ამაღლება. წლევანდელი დღის თემაა „სუიციდის პრევენცია“.

მსოფლიო დღესთან დაკავშირებით აჭარის ა/რ ჯანმრთელობისა და სოციალური დაცვის მინისტრი, ზაალ მიქელაძე და მინისტრის პირველი მოადგილე, ნინო ნიჟარაძე ბათუმის სამედიცინო ცენტრის ფსიქიატრიულ დეპარტამენტს სტუმრობდნენ.

სამინისტროს წარმომადგენლებმა კლინიკის ტერიტორიაზე ფსიქიკური სერვისების მიმღები პირების ნამუშევრების გამოფენა-გაყიდვაში მიიღეს მონაწილეობა. კლინიკის სტაციონარში მკურნალობის დროს ბენეფიციარებს საშუალება აქვთ ფსიქოსოციალური რეაბილიტაციის ფარგლებში შრომითი ინსტრუქტორების აქტიური ჩართულობით არტ თერაპიით დაკავდნენ. კლინიკაში დღემდე არსებობს წლების განმავლობაში დაგროვილი ბენეფიციარების მიერ დამზადებული ხელნაკეთი ნივთები, იშვიათი ნახატები. გამოფენის პარალელურად წარმოდგენილი იყო კლინიკის სოციალურ საწარმოში დამზადებული ტკბილეული. სოციალური საწარმო „ადამიანები მოქმედებაში“ ბათუმის სამედიცინო ცენტრის ტერიტორიაზე ორი წელია ფუნქციონირებს. საწარმოს დაარსების მთავარი მიზანი ფსიქიკური სერვისების მიმღები პირების დასაქმება და მათი საზოგადოებაში ინტეგრაციაა. ამ ეტაპისთვის საწარმოში დასაქმებულია 2 ბენეფიციარი. კლინიკაში ვიზიტის ფარგლებში აჭარის ჯანდაცვის მინისტრმა ზაალ მიქელაძემ ფსიქიატრიულ დეპარტამენტში შესრულებული და მიმდინარე სარემონტო სამუშაოები დაათვალიერა.

(NS)

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს