საერთაშორისო სავალუტო ფონდის მისიას საქართველოში პროდუქტიული დისკუსიები ჰქონდა, - ამის შესახებ სავალუტო ფონდის მუდმივმა წარმომადგენელმა საქართველოში აზიმ სადიკოვმა ჟურნალისტებს მისიის ვიზიტის კომენტირებისას განუცხადა. სადიკოვის თქმით, დისკუსიები მხარეებს შორის გრძელდება. „მისიამ საქართველოში ორი კვირა დაჰყო. ჩვენ განვიხილეთ ის საკითხები, რომლებიც დღეს წარმოვადგინე. შოკი, რომელმაც გავლენა მოახდინა საქართველოს ეკონომიკაზე, თუ რა რისკები და გამოწვევებია წელს ეკონომიკისთვის. მისია ამჟამად ვაშინგტონშია, თუმცა ეს იმას არ ნიშნავს, რომ მხარეებს შორის დისკუსიები შეწყდა, დისკუსიები გრძელდება იმეილის, სატელეფონო საუბრების საშუალებით და იმედია, შემდეგ კვირაში მექნება შესაძლებლობა, რომ ფონდის მისიის ვიზიტის შედეგებზე მეტი მოგიყვეთ“, - განაცხადა აზიმ სადიკოვმა. რაც შეეხება საქართველოს ეროვნულ ბანკთან დაკავშირებით დაგეგმილ საკანონმდებლო ცვლილებებს და ეროვნული ბანკის პრეზიდენტთან დაკავშირებით ყოფილი პრემიერ-მინისტრის ბიძინა ივანიშვილის განცხადებას, სადიკოვმა აღნიშნა, რომ ამ საკითხების შესახებ ფონდმა გასულ კვირას საკუთარი პოზიცია დააფიქსირა და დამატებითი კომენტარი არ გაკეთდება. თუმცა მისი თქმით, საქართველოს ხელისუფლებასთან საბანკო ზედამზედველობის კუთხით დაგეგმილ ცვლილებებთან დაკავშირებით სავალუტო ფონდი განხილვებს აგრძელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა