უკრაინის გენერალური პროკურორი იური ლუცენკო საქართველოს მესამე პრეზიდენტ მიხეილ სააკაშვილს საგამოძიებო უწყებაში მოსვლისკენ კიდევ ერთხელ მოუწოდებს, - ამის შესახებ Interfax იუწყება.

"დღეს ღამით განვითარებული მოვლენები  აბსოლუტურად კანონიერია, იმიტომ რომ ბატონი სააკაშვილი გაქცევის მერე ძებნაშია გამოცხადებული. უსაფრთხოების სამსახურმა და შსს-მ უნდა დააკავონ. ეს კანონიერი და აუცილებელი ქმედებაა ნებისმიერ სახელმწიფოში", - განაცხადა ლუცენკომ.

ამასთან, ლუცენკოს თქმით, სპეცსამსახურებს შეეძლოთ, უფრო მკაცრად მოქცეულიყვნენ.

"ის 12 თანამშრომელი, რომლებსაც გუშინ სააკაშვილი დასაკითხად გადაჰყავდათ, ანტიტერორისტული ოპერაციის მონაწილეები არიან. მათ კანონის მიხედვით ცეცხლის გახნის უფლებაც ჰქონდათ. სააკაშვილი მოტყუებული და კურჩენკოს ფულით ნაყიდი ხალხის ზურგს უკან მიმალვით პირად კომფორტზე ფიქრობს. სააკაშვილს დავაკავებთ და ყველაზე კარგი, რაც შეიძლება მან გააკეთოს, თუ კაცია, თუ უკრაინა ოდნავ მაინც უყვარს, დღეს გამოცხადდეს განყოფილებაში. ეს ერთადერთი გზაა, რომ უკრიანა არ განადგურდეს", - განაცხადა იური ლუცენკომ.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს