საქართველოში ამერიკის შეერთებული შტატების ელჩი იან კელი ქვეყნის ყოფილი პრეზიდენტის მიხეილ სააკაშვილის შესაძლო დაკავებას გამოეხმაურა.

როგორც კელიმ აღნიშნა, გავრცელებული ინფორმაცია, თითქოს სააკაშვილი უახლოეს დღეებში უნდა დააკავონ, მისთვის უცნობია. ელჩმა დასძინა, რომ ნებისმიერ შემთხვევაში უკრაინამ კანონის ფარგლებში უნდა იმოქმედოს.

"მე არ მინახავს ინფორმაცია, რომელზეც თქვენ საუბრობთ, თუმცა გეტყვით, რომ უკრაინა, ისევე როგორც საქართველო, ჩვენი პარტნიორია და ამერიკის შეერთებული შტატები მისთვის ინვესტიციებს ახორციელებს. პირველ რიგში რასაც ჩვენ მოველით უკრაინისგან ეს არის კანონის დაცვა და მისი უზენაესობის პატივისცემა. ნებისმიერ პიროვნებასთან დაკავშირებით, ნებისმიერი  სამართლებრივი საკითხი, სამართლიანად და კანონის დაცვით უნდა გადაწყდეს", - განაცხადა იან კელიმ.

შეგახსენებთ, გუშინ მიხეილ სააკაშვილმა განაცხადა, რომ უკრაინის პრეზიდენტმა პეტრო პოროშენკომ მისი დაკავების განკარგულება გასცა. ცნობისთვის, მანამდე ამის შესახებ ინფორმაციას ერთ-ერთი უკრაინული მედია სააგენტო Strana.ua ავრცელებდა. მედიის ცნობით, ოდესის ყოფილი გუბერნატორის დეპორტაცია ახალ წლამდე მოხდება.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს