თბილისის აბრეშუმის გზის ფორუმში მონაწილეობის მიზნით საქართველოს სლოვენიის წარმომადგენლობითი დელეგაცია ეწვია, რომლის შემადგენლობაშიც სლოვენიის ვიცე-პრემიერი, საგარეო საქმეთა მინისტრი კარლ ერიავეცი და სლოვენიის ინფრასტრუქტურის მინისტრი პიტერ გაშპერშიჩი არიან.

პიტერ გაშპერჩიჩის განცხადებით, ფორუმში მონაწილეობით სლოვენია ადასტურებს საკუთარ ინტერესს იყოს ახალი აბრეშუმის გზის ნაწილი. ამასთან, საგარეო უწყების ცნობით, სლოვენიის ინფრასტრუქტურის მინისტრმა დადებითად შეაფასა საქართველოს როლის ევროპა-აზიის დამაკავშირებელი გზის განვითარებასა და ზოგადად აბრეშუმის გზის იდეის აღორძინებაში.

„მეორედ ვმონაწილეობ ამ მნიშვნელოვან ფორუმში. ვფიქრობ, რომ ეს ძალიან მნიშვნელოვანი მოვლენაა ახალი აბრეშუმის გზის აღორძინებისა და შექმნისთვის და აზიისა და ევროპის  დაკავშირებისთვის.  საქართველო ამ თვალსაზრისით ძალიან მნიშვნელოვან როლს ასრულებს და ასევე სლოვენია, რომელსაც მე წარმოვადგენ, როგორც ინფრასტრუქტურის მინისტრი.  სლოვენია გახლავთ  ევროპაში შესასვლელი  მნიშვნელოვანი წერტილი  ამიტომაც ვმონაწილეობთ ამ ფორუმში, რათა კიდევ ერთხელ დავადასტუროთ  სლოვენიის ინტერესი ვიყოთ  ახალი აბრეშუმის გზის ნაწილი", - განაცხადა სლოვენიის ინფრასტრუქტურის მინისტრმა.

აბრეშუმის გზის ფორუმი თბილისში 28 ნოემბერს გაიხსნება. მაღალი დონის საერთაშორისო ღონისძიებას 60-ზე მეტი ქვეყნის დელეგატი ესწრება.

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა