თბილისის აბრეშუმის გზის ფორუმში მონაწილეობის მიზნით საქართველოს ვიზიტით არაბთა გაერთიანებული საემიროების ტოლერანტობის მინისტრი შეიხი მუბარაკ ალ ნაჰაიანი ეწვია.   

როგორც შეიხ ალ ნაჰაიანმა აღნიშნა მისთვის დიდი პატივია მეორედ მონაწილეობდეს ამ მნიშვნელოვან ფორუმში, რომელიც კარგი პლატფორმაა რეგიონის ეკონომიკურ მომავალზე სამსჯელოდ.

შეიხმა ხაზი გაუსვა საქართველოს მოწინავე როლს ეკონომიკური განვითარების და ბიზნესის კეთების თვალსაზრისით, ასევე მისი, როგორც  ევროპა-აზიის დამაკავშირებელი ხაზის განსაკუთრებულ შესაძლებლობებს.

 „ჩემთვის დიდი პატივია მეორედ ვმონაწილეობდე ამ მნიშვნელოვან ფორუმში, რომლის მნიშვნელობას ასევე ადასტურებს მასში მონაწილე ქვეყნების რაოდენობა. ფორუმის მიმდინარეობისას განიხილება არა მხოლოდ საქართველოს, არამედ რეგიონის ეკონომიკური მომავალი. საქართველოს არის აღმოსავლეთისა და დასავლეთის დამაკავშირებელი უმთავრესი გზაჯვარედინი, რაც დამატებით ფასეულობას სძენს ამ ფორუმს. გაერთიანებული ემირატებისა და საქართველოს ურთიერთობა ძალზედ მტკიცეა. ჩვენ დარწმუნებული ვართ საქართველოს შესაძლებლობებსა და მის წინსვლაში იყოს ეკონომიკური განვითარებისა და ტურიზმის ცენტრი რეგიონში. საქართველოს მთლიანი შიდა პროდუქტი მუდმივად მზარდია, საქართველო არის საუკეთესო ადგილი ბიზნესის კეთების, მისი დაცულობის და გამჭვირვალობის თვალსაზრისით, რაც ასევე განსაკუთრებულ მნიშვნელობას სძენს ფორუმს. მოხარული ვარ რომ შევხდები საქართველოს პრემიერ-მინისტრს და მასთან განვიხილავთ სამომავლო თანამშრომლობის საკითხებს",- განაცხადა შეიხ ალ ნაჰაიანმა.

თბილისის საერთაშორისო აეროპორტში არაბთა გაერთიანებული საემიროების დელეგაციას საქართველოს საგარეო საქმეთა მინისტრის პირველი მოადგილე დავით ზალკალიანი დახვდა. 

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა