ესტონეთის პრეზიდენტმა თბილისში მიმდინარე საქართველო-ესტონეთის ბიზნეს ფორუმზე სიტყვით გამოსვლისას, საქართველოსთან ბიზნეს კავშირების გამყარების მნიშვნელობაზე ისაუბრა.

კერსტი კალიულაიდმა ესტონური ბიზნეს დელეგაციისთვის საქართველოს საინვესტიციო გარემოს მიმზიდველობაზე გაამახვილა ყურადღება.

მისი თქმით, საქართველოში დემოკრატია და კანონის უზენაესობა იმ დონეზეა, რომ ბიზნესის განვითარების საშუალებას იძლევა.

„ჩვენს ქვეყნებს შორის ბიზნესკავშირების გამყარება ძალიან მნიშვნელოვანია. ვხედავ ბევრ ესტონელ მეწარმეს, პოტენციურ ინვესტორს და ძალიან მახარებს ეს ფაქტი. მინახავს ბევრი დიდი და საშუალო ზომის კომპანიების წარმომადგენლები და მახარებს ის ფაქტი, რომ ამ ძალიან მაღალი პოტენციალის მქონე ქვეყანაში გხედავთ თქვენ ყველას.ეს კარგი მიდგომაა იმდენად, რამდენადაც ყველანი ვცდილობთ, ახალი შესაძლებლობები დავინახოთ საქართველოში და ზოგადად მსოფლიოში. გვახარებს ის, რომ საქართველო ნამდვილად ვითარდება.მცირე და საშუალო საწარმოები მოქნილი სეგმენტია ეკონომიკაში. ჩვენ ვხედავთ, რომ საქართველო იზრდება. ბევრ ასპექტში ვხედავთ თანამშრომლობის შესაძლებლობებს. მინდა აღვნიშნო თქვენს ქვეყანაში მოგების გადასახადის ტრანსფორმაცია. ამის შემდეგ ქვეყანა კიდევ უფრო სწრაფად გაიზრდება ეკონომიკურად. კაპიტალური ინვესტიციების განვითარების კუთხით, ვფიქრობ, უნდა შეიცვალოს საგადასახადო სისტემები მთელ მსოფლიოში. არსებული სოციალური მოდელები უნდა იყოს მორგებული იმაზე, რომ 50 წლის შემდეგაც გავუსწოროთ თვალი გამოწვევებს. ბევრი რამის სწავლა შეიძლება გამოწვევებით. მინდა მოგიწოდოთ, რომ მიიღოთ ჩვენი გარიგება და დააკვირდეთ ინოვაციებისა და ტექნოლოგიების განვითარებას“, - აღნიშნა ესტონეთის პრეზიდენტმა.

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა