ესპანეთის პრემიერ-მინისტრის მარიანო რახოის განცხადებით, ოფიციალურმა მადრიდმა კატალონიის ავტონომიურ მთავრობას უფლებამოსილება ჩამოართვა, - ამის შესახებ BBC იუწყება.

როგორც რახოიმ აღნიშნა, ესპანეთი კონსტიტუციის 155-ე მუხლს აამოქმედებს, რომელიც რეგიონის ავტონომიის სტატუსის ჩამორთმევას გულისხმობს.

„ესპანეთის მთავრობა იძულებულია კონსტიტუციის 155-ე მუხლი აამოქმედოს, ვინაიდან არც ერთი ქვეყნის ხელისუფლება არ შეეგუება იმას, რომ მისი ქვეყნის ტერიტორიაზე კანონი ირღვეოდეს“, - განაცხადა რახოიმ.

ამასთან, რახოის თქმით, კატალონიის ავტონომიის შეზღუდვის ფარგლებში რეგიონის მთავრობას და პარლამენტს დაითხოვს. მათ უფლებამოსილებებს ცენტრალური ხელისუფლება შეასრულებს.

ცნობისთვის, დღეს ესპანეთს ხელისუფლებამ საგანგებო სხდმა გამართა, სადაც კატალონიის საკითხზე და 155-ე მუხლის ამოქმედებაზე იმსჯელეს.

მანამდე, კატალონიის მეთაურმა კარლეს პუჩდემონმა განაცხადა, რომ თუ ოფიციალური მადრიდი ქვეყნის კონსტიტუციის 155-ე მუხლს აამოქმედებს, რომელიც კატალონიისთვის ავტონომიური რეგიონის სტატუსის გაუქმებას გულისხმობს, ბარსელონა დამოუკიდებლობას გამოაცხადებს.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს