საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტომ ზუგდიდის ტექნოპარკში ინოვაციების დღეები ჩაატარა.

როგორც "ექსპრესნიუსს" ინოვაციების საააგენტოდან აცნობეს, ინოვაციების სააგენტომ სტარტაპებსა და პოტენციურ სტარტაპებს ინოვაციების განვითარების კუთხით სახელმწიფოს ხედვა გააცნო და    საკუთარი პროგრამები, პროექტები და სერვისები წარუდგინა.  

მათივე ინფორმაციით, წარმატებულმა სტარტაპებმა და მეწარმეებმა ტრენინგი ჩაატარეს  და თავიანთი გამოცდილება გაუზიარეს დამსწრე საზოგადოებას. 

ორდღიან ღონისძიებაზე მონაწილეობას ინოვაციების სააგენტოსთან ერთად, მეწარმეობის განვითარების სააგენტო, ტურიზმის ეროვნული სააგენტო, სს ,,საპარტნიორო ფონდი’’ და  სსიპ ,,ბავშვთა და  ახალგაზრდობის განვითარების ფონდი’’ იღებდა.

 თითოეულმა სტრუქტურამ დამსწრე საზოგადოებას საკუთარი პროექტების და სერვისების შესახებ უამბო.

ღონისძიების ბოლოს ინოვაციების სააგენტომ 10 მუნიციპალიტეტთან  მემორანდუმი გააფორმა, მემორანდუმის ფარგლებში მხარეები შეთანხმდნენ სამომავლო თანამშრომლობაზე და  რეგიონში ინოვაციების ხელშემწყობი პროექტების განხორციელებაზე.

ინოვაციების დღეების დასკვნით ეტაპზე, USAID G4G-ის გრანტის ფარგლებში „ელვამ“, „ჯეოლაბის“ დახმარებით, გამართა კრეატიული იდეების მარათონი (მეიქათონი), სადაც ახალგაზრდებს  საშუალება ქონდათ ემუშავათ ტექნოლოგიური პროექტების იდეებზე და კონცეფციებზე.  

ინოვაციების დღეები კი პირველად 2016 წლის ნოემბერში ჩატარდა. წლევანდელი ღონისძიება უნიკალურია იმ მხრივ, რომ წელს, ინოვაციების დღეებში ჩართულები არიან როგორც სახელმწიფო და საერთაშორისო დონორი ორგანიზაციები, ისე არა-სამთავრობო სექტორი. შესაბამისად, ღონისძიებამ უფრო მასშტაბური ხასიათი მიიღო.

თანამშრომლობის ფარგლებში, მომავალშიც მოხდება საინფორმაციო დღეებისა და ტრენინგების, საკონსულტაციო მომსახურების და დასაქმების ფორუმების ორგანიზება ინოვაციებისა და სტარტაპებისთვის რეგიონებში.  

ინოვაციების დღეების მიზანია ქვეყანაში საერთო სამეწარმეო გარემოს შექმნა და ახალგაზრდა, დამწყები მეწარმეების წახალისება ქვეყნის მდგრადი განვითარებისთვის.

პროგრამის ფარგლებში ჩატარებული ტრენინგების საშუალებით ადგილობრივ მოსახლეობას ექნება შესაძლებლობა მიიღოს ცოდნა თანამედროვე ტექნოლოგიებისა და ინოვაციების საკითხებზე, რაც ხელს შეუწყობს რეგიონში ახალი ბიზნესიდეების განხორციელებას სახელმწიფო პროგრამების დახმარებით, მათ სწორ ფორმირებას, ახალი სამუშაო ადგილების შექმნას და მომავლის პროფესიების ჩამოყალიბებას. 
ინოვაციების და ტექნოლოგიების სააგენტომ ღონისძიება  USAID-ის პროექტ ZRDA -სთან, (G4G) ,,მმართველობა განვითარებისთვის’’ და  „ელვასთან“ ერთად გამართა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს