2016-04-23 11:39:24, 1268 ნახვა
მსოფლიო
ანგელა მერკელი და ევროკავშირის მაღალჩინოსნები სირიელ ლტოლვილთა ბანაკში ჩასვლას გეგმავენ
გერმანიის კანცლერი ანგელა მერკელი, ევროკავშირის საბჭოს პრეზიდენტი დონალდ ტუსკი და ევროკომისიის ვიცე-პრეზიდენტი ფრანს ტიმერმანსი, თურქეთში მყოფი მიგრანტების პრობლემის გადასაჭრელად თურქეთ-სირიის საზღვარზე მდებარე სირიელ ლტოლვილთა ბანაკში ჩასვლას გეგმავენ.
BBC-ს ინფორმაციით, ანგელა მერკელი ბანაკს დაათვალიერებს და თურქეთის პრემიერ-მინისტრ, აჰმედ დავუთოღლუსაც შეხვდება.
შეხვედრის თემა ევროკავშირსა და თურქეთს შორის გაფორმებული შეთანხმება იქნება, რომლის მიხედვითაც, თურქეთმა თავისი ტერიტორიიდან საბერძნეთში გადასული მიგრანტები უკან უნდა მიიღოს. სანაცვლოდ, თურქეთი ევროკავშირისგან სავიზო რეჟიმის გაუქმებას ელოდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
