2026-05-27 18:32:28, 1535 ნახვა
პოლიტიკა
კობახიძე: ვნახე კადრები, შესაბამის უწყებებს უნდა ჰქონდეთ და ექნებათ სათანადო რეაგირება
ქართული ოცნების პრემიერი ირაკლი კობახიძე გორში პოლიციის მხრიდან მომხდარ ძალადობის ფაქტს გამოეხმაურა.
"მე ვნახე ეს კადრები. აბსოლუტურად მიუღებელი კადრებია და, რა თქმა უნდა, შესაბამის სახელმწიფო უწყებებს უნდა ჰქონდეთ და ექნებათ სათანადო რეაგირება. რა თქმა უნდა, საზოგადოება იქნება ინფორმირებული", - თქვა მან.
გორში, კომბინატის დასახლებაში, დაკავებისას პოლიციელები მოქალაქეს ფიზიკურად გაუსწორდნენ. ფაქტის ამსახველი ვიდეომასალა ფორმულამ გაავრცელა.
ვიდეომასალის გავრცელების შემდეგ პროკურატურამ პოლიციელების მხრიდან ძალადობით უფლებამოსილების სავარაუდო გადამეტების ფაქტზე გამოძიების დაწყების შესახებ განაცხადა.
ავტორი: ექსპრესნიუსი,
epn.ge (@expressnews.ge)
