აჭარის მთავრობის აპარატში აჭარის რეგიონული განვითარების 2016-2021 წლების სტრატეგიული განვითარების გეგმის სამუშაო ვერსიის განხილვა გაიმართა.

როგორც „ექსპრესნიუსს“ აჭარის მთავრობის პრესსამსახურიდან აცნობეს,  სამუშაო შეხვედრაზე აჭარის მთავრობის თავმჯდომარეს და მთავრობის წევრებს სტრატეგიის პრეზენტაცია პოლიტიკის და მართვის საკონსულტაციო ჯგუფმა  წარუდგინა.

მათივე ინფორმაციით, რეგიონის განვითარების სტრატეგიის დოკუმენტზე მუშაობა აჭარის ფინანსთა და ეკონომიკის სამინისტროს ინიციატივით დაიწყო და გერმანიის საერთაშორისო თანამშრომლობის საზოგადოების დახმარებით  საკონსულტაციო ჯგუფთან ერთად ხორციელდება.

სტრატეგიის დოკუმენტის სამუშაო ვერსიის პრეზენტაციის შემდეგ დისკუსიები გაიმართა მთავარი სტრატეგიული მიმართულებებისა და პრიორიტეტების ირგვლივ. აჭარის მთავრობის თავმჯდომარემ, ისევე როგორც მინისტრებმა და მთავრობის საქვეუწყებო დაწესებულებების ხელმძღვანელმა პირებმა, თავიანთი ხედვები წარმოადგინეს, რაც გათვალისწინებული იქნება დოკუმეტის სამომავლო ვერსიაში. განსაკუთრებული ყურადღება დაეთმო რეგიონის განვითარების გრძელვადიანი ხედვის ფორმულირებას, რომელიც უნდა შემუშავდეს 15 წლიანი საპროგნოზო პერიოდით.

აღსანიშნავია, რომ რეგიონის განვითარების ხედვა უნდა წარმოადგენდეს იმ გრძელვადიან მისწრაფებებსა და მდგომარეობას, რომლის დადგომაც ივარაუდება განვითარების სტრატეგიის, ასევე, სხვა დარგობრივი სტრატეგიებისა და სამოქმედო გეგმების, სახელმწიფო პოლიტიკის, პროგრამებისა და პროექტების განხორციელების შედეგად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს