დაუნის სინდრომის საერთაშორისო დღესთან დაკავშირებით, ფინანსთა მინისტრი ნოდარ ხადური გიგო შიუკაშვილსა და ლექსო ფოდიაშვილს შეხვდა.

ფინანსთა სამინისტროს ინფორმაციით, ახალგაზრდებმა მინისტრისგან სახსოვრად საჩუქრები მიიღეს. ნოდარ ხადურის თქმით, მნიშვნელოვანია, რომ დღეს გიგო და ლექსო საზოგადოების აქტიური წევრები არიან.

„მინდა, წარმატებები ვუსურვო ამ არაჩვეულებრივ ახალგაზრდებსა და მათ მეგობრებს, რომლებიც მუდამ მათ გვერდში დგანან. ასევე მადლობა მინდა გადავუხადო მშობლებს, რომლებიც ძალასა და ენერგიას არ იშურებენ გიგოსა და ლექსოს, მათთან ერთად კიდევ ბევრი ბავშვისა და მოზარდის საზოგადოებაში ინტეგრირებისთვის, რაც ასე ფასდაუდებელია ამ ბავშვებისა და მათი მომავლისათვის. უნდა გვახსოვდეს, რომ დაუნის სინდრომის მქონე პირთა საზოგადოებაში ინტეგრირება თითოეული ჩვენგანის, საზოგადოების წევრთა ძალისხმევაზე დამოკიდებული“, - განაცხადა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს