რეგისტრაცია  დაიწყო პროექტისათვის BeNaec, რომელიც უნიკალურ შესაძლებლობას სთავაზობს აბიტურიენტებსა და დაინტერესებულ პირებს - მონაწილეს შეუძლია შეამოწმოს საკუთარი ცოდნა და შესაძლებლობები და მიღებული შედეგები წინა წლის საკონკურსო ქულებს შეადაროს. მსურველებს რეგისტრაციის გავლის შესაძლებლობა აქვთ ვებგვერდებზე: online.naec.ge და www.naec.gov.ge - 17 მარტიდან 30 მარტის ჩათვლით.

როგორც „ექსპრესნიუსს“ შეფასებისა და გამოცდების ეროვნული ცენტრიდან აცნობეს, პროექტში მონაწილეობის საფასურის (10 ლარი ერთი საგნის ტესტირებისათვის) გადახდის შემდეგ მონაწილე გადის რეგისტრაციას, ირჩევს გამოცდებს, ფოსტის ფილიალს, სადაც მიიღებს ერთიან ეროვნულ გამოცდებზე გამოყენებული პასუხების ფურცლების იდენტურ ფურცლებსა და დეტალურ ინსტრუქციას, ხოლო მის მიერ არჩეული ტესტების ელექტრონული ვერსიები მის პირად გვერდზე განთავსდება. შევსებული ფურცლები იგზავნება და სწორდება შეფასებისა და გამოცდების ეროვნულ ცენტრში. აპლიკანტი შედეგებს კვლავ პირად გვერდზე შეიტყობს.

მათივე ინფორმაციით, 4 ან მეტი გამოცდის არჩევისას ცენტრი მონაწილეს ქულების გათანაბრებას, სკალირებასა და სპეციალური პროგრამის მეშვეობით წინა წლის საკონკურსო ქულებთან შედარებას სთავაზობს.

პროექტის ამ ეტაპის დასრულების შემდეგ ტესტების ვერსიები ხელმისაწვდომი გახდება ყველასათვის, ნებისმიერ დაინტერესებულ პირს  შესაძლებლობა ექნება, სურვილის შემთხვევაში საგამოცდო ფორმატი (მონიტორიდან წაკითხული ტესტის შესრულება, დროის ათვლა, განაწილება და ა.შ.) სრულად გაიმეოროს, საკუთარი ნაშრომი კი ტესტების სწორ პასუხებს შეადაროს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს