ქართული ოცნების ყოფილი წევრი, დეპუტატი მურმან დუმბაძე რესპუბლიკელებსა და მრეწველებს შორის დაპირისპირებაზე საუბრობს და ამბობს, რომ ომი მიმდინარეობს პარტიული სიებისთვის. მან იქვე აღნიშნა, რომ კოალიციაში ვინ დარჩება და ვინ გაირიცხება, გადაწყვეტილებას ბიძინა ივანიშვილი მიიღებს.

''ახლა ბრძოლა არ მიმდინარეობს იდეოლოგიაზე. ახლა ბრძოლა და ომი მიმდინარეობს პარტიული სიებისთვის. ნებისმიერ სუბიექტს აქვს სურვილი, რომ გავიდეს რომელიმე პარტია კოალიციიდან, რომ მას უფრო მეტი ადგილის შანსი უჩნდება პარტიულ სიაში. რაც შეეხება პოლიტსაბჭოს, არავითარი პოლიტსაბჭოს სხდომა არ არსებობს, ეს არის ფორმალობა. გადაწყვეტილებას მიიღებს ერთი ადამიანი, ეს არის ბიძინა ივანიშვილი,'' - განაცხადა მურმან დუმბაძემ გადაცემა არჩევანში. 

მურმან დუმბაძის განცხადებით, დღეს არსებული ვითარებიდან გამომდინარე, თუკი კოალიციაში ორივე პარტია დარჩება, ეს მათი მხრიდან "უღირსი საქციელი" იქნება.

''მე ცოტა ანჩხლი კაცი ვარ და პირდაპირ ვიტყვი, შევარცხვინე მათი ღირსება მაშინ, თუ ეს ორი პოლიტიკური პარტია ერთი კოალიციის ქვეშ დარჩება,''- ამბობს მურმან დუმბაძე. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე