ნიდერლანდების მთავრობამ 2023 წლისთვის უკრაინის დახმარების ახალი პაკეტი გამოყო, რომლის ღირებულება 274 მილიონი ევროს შეადგენს. ამის შესახებ ინფორმაციას European Pravda ოფიციალურ პირებზე დაყრდნობით ავრცელებს.

გამოყოფილი თანხიდან, 180 მილიონი ევრო განკუთვნილია ჰუმანიტარული დახმარებისთვის, სოფლის მეურნეობისა და რეკონსტრუქციისთვის, ხოლო დანარჩენი 94 მილიონი ევრო უკრაინის შეიარაღებული ძალების არალეტალური მხარდაჭერისთვის, დაუსჯელობის წინააღმდეგ ბრძოლასა და კულტურული მემკვიდრეობის შენარჩუნებისთვის.

კერძოდ, პაკეტის „ჰუმანიტარული ნაწილიდან“ 10 მილიონი ევრო გამოიყოფა ფსიქიკური ჯანმრთელობისა და ფსიქოსოციალური მხარდაჭერისთვის, ზუსტად ამდენივე კი სასოფლო-სამეურნეო მიწების განაღმვაზე.

დახმარების პაკეტიდან 75 მილიონი ევრო გამოყოფილი იქნება უკრაინასა და ნატო-ს შორის თანამშრომლობის გაძლიერებაზე, ხოლო 14 მილიონი ევრო - რუსეთის ფედერაციის სამხედრო მოქმედებებით მიყენებული ზარალის რეესტრის შექმნისთვის.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს