საქართველოში 16 მილიარდი მეტრ კუბის მოცულობის ბუნებრივი აირის საბადოს არსებობა დადასტურდა.

ნავთობისა და გაზის სახელმწიფო სააგენტოს უფროსის, გიორგი ტატიშვილის ინფორმაციით, მისი ათვისების პირობებში, ქვეყანას რვა წლის ბუნებრივი აირის მოთხოვნის სრულად დაკმაყოფილება შეეძლება.

ამჟამად, ლიცენზიის ოპერატორია კომპანია Block Energy, რომელიც 2018 წლიდან ლონდონის საფონდო ბირჟაზეა განთავსებული.

გამოცემა "ბი ემ ჯის" ინფორმაციით, Block Energy-ის ძირითადი საქმიანობის სფერო სწორედ საქართველოში ნავთობისა და გაზის ძიებაა. კომპანია IX და XI (B) ბლოკებიდან რესურსების მოპოვების უფლების მფლობელია.

ფინანსური ანგარიშის თანახმად, 2021 წელს Block Energy-ის $6.1 მილიონის შემოსავალი და $4.8 მილიონის ზარალი ჰქონდა.

კომპანიის საბაზრო კაპიტალიზაცია ანუ მისი აქციების ღირებულების ჯამი 9.4 მილიონი გირვანქა სტერლინგია. კომპანიის ერთი აქცია 1.35 გირვანქა სტერლინგი ღირს.

გიორგი ტატიაშვილის ინფორმაციით, Block Energy  ერთ-ერთი პერსპექტიული პროექტია, რომელიც სავარაუდოდ მუშაობას ამ წლის ბოლოს ან მომავალი წლის დასაწყისში დაიწყებს.

"აქ ჩასატარებელია ჰორიზონტალური ბურღვები, რათა უფრო მეტი ქანი მოიცვას და უფრო მეტი კომერციული გაზი მოიპოვოს. ამის პარალელურად, ძველ ჭაბურღილებშიც აკეთებს ჰორიზონტალურ ბურღვებს Block Energy, რამაც 80%-ით გამოიწვია გაზის ამოღების ზრდა. Block Energy-ს აქვს 30 მილიონი კუბური მეტრის ამოღება, რაც არის მაგალითად, თელავის ან საგარეჯოს მოხმარების ტოლი. მას შემდეგ, რაც ამ ჭაბურღილს აითვისებს, ეს რიცხვები ბევრად უფრო მნიშვნელოვანი და შთამბეჭდავი იქნება,” - განაცხადა “საქმის კურსის” ეთერში ნავთობისა და გაზის სახელმწიფოს სააგენტოს უფროსმა.

მისივე თქმით, საქართველოს მთავრობა ეძებს საერთაშორისო ინვესტორს, რომელიც შავი ზღვის შელფზე აჭარის მიმდებარედ არსებულ სალიცენზიო ბლოკში ნავთობისა და გაზის ძებნა/ძიებით სამუშაოებს ჩაატარებს.

ტენდერში მონაწილეობაზე დაინტერესება საერთაშორისო ენერგეტიკულმა კომპანიებმა გამოხატეს. 

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს