2015-01-29 16:55:56, 2242 ნახვა
მსოფლიო
ლუკაშენკო: ბელარუსი „რუსული სამყაროს“ ნაწილი არ არის
„ბელარუსი არც რუსული სამყაროს და არც რუსეთის ნაწილი არ არის“, - ამის შესახებ ბელარუსის პრეზიდენტმა ალექსანდრ ლუკაშენკომ განაცხადა.
„არსებობენ ზოგიერთი ჭკვიანები, რომლებიც ამბობენ, რომ ბელარუსი რუსული სამყაროს და რუსეთის ნაწილია. დაივიწყეთ, ბელარუსი სუვერენული და დამუკიდებელი სახელმწიფოა“, - განაცხადა ლუკაშენკომ.
ბელარუსის ლიდერმა, ასევე, დონბასში მხარეებს სამხედრო მოქმედებების შეჩერებისკენ მოუწოდა.
„ძალიან მინდა, რომ ევროპამაც, აშშ-მაც და რუსეთმაც, რომლებიც ამ კრიზისში ჩართულები არიან, გააკეთონ მაქსიმუმი ამ ომის დასამთავრებლად“, - განაცხადა ლუკაშენკომ.
მისივე თქმით, რუსეთი უკრაინის მოვლენებში უკიდურესად არის ჩართული, რაც მისაღები არაა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
