2020-06-09 11:41:25, 1612 ნახვა
კომენტარი
ვლადიმერ ზელენსკი - მსურდა კორონავირუსით დავინფიცირებულიყავი, რათა ხალხს მდგომარეობა შემსუბუქებოდა
უკრაინის პრეიდენტის, ვლადიმერ ზელენკსის თქმით, მას სურდა რომ კოვიდ19-ით დაინფიცირებულიყო, რათა საზოგადოებისთვის ეჩვენებინა რომ ეს არ არის ჭირი.
ზელენსკის თქმით, მას არ ეშინია დაავადების.
„ჩემს თავზე მინდოდა გამომეცადა ეს ეტაპი, რათა ხალხის მდგომარეობა შემსუბუქებულიყო. როდესაც ჩვენ გვქონდა დეპრესიის პერიოდი, მე ჩემს გუნდს შევთავაზე, მოდი, მე გავხდები ავად და ჩემი იზოლაცია მოხდება. ამას ნორმალურად გადავიტან. ეს იმისთვის არის საჭირო, რომ ხალხი მიხვდეს, ყველა შეიძლება გახდეს ავად“, – განაცხადა ვლადიმირ ზელენსკიმ.
თუმცა, უკრაინის პრეზიდენტის თქმით, შემდეგ მან გადაწყვიტა, რომ ეს „ზედმეტი“ იყო.
„ოჯახი არ მაპატიებდა. იტყოდნენ, რომ მე სულელი ვარ“, – განაცხადა ვლადიმირ ზელენსკიმ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
