პრემიერ-მინისტრმა გიორგი გახარიამ, ისაუბრა „გავრილოვის ღამეზე“ და განაცხადა, რომ გავრილოვი სავარძელში იყო უკიდურესად დიდი შეცდომა და ეს თავიდანვე იყო ნათქვამი.

მანვე განმარტა, რომ მიუხედავად ამისა, ეს ფაქტი არავის აძლევს იმის უფლებას, რომ იოცნებოს რაღაც რევოლუციებსა და გადატრიალებაზე.

„გავიგე, რომ ვიღაცებს თავი უნდათ და ცდილობენ, რომ გმირებად წარმოადგინონ, მაგრამ 20 ივნისი იყო ჩვეულებრივი შტურმი სახელმწიფო ინსტიტუტზე, პარლამენტზე. ისიც კარგად მესმის, რომ გავრილოვი სავარძელში იყო უკიდურესად დიდი შეცდომა და ეს თავიდანვე იყო ნათქვამი. შეცდომაზე უფრო მძიმედ შეიძლება ამის შეფასებას. მაგრამ ეს არავის არ აძლევს იმის უფლებას, რომ ქვეყანაში მოუწოდოს ვინმეს კი არა, იოცნებოს რაღაც რევოლუციებსა და გადატრიალებაზე“, - აღნიშნა გახარიამ.

როგორც პრემიერ-მინისტრი აღნიშნავს, ჩვენმა ქვეყანამ პარლამენტში შევარდნები ერთხელ და სამუდამოდ უნდა დაასრულოს.

„ერთხელ და სამუდამოდ ამ ქვეყანამ ისტორიას უნდა ჩააბაროს პარლამენტში შევარდნები. ეს ქვეყანა უნდა მიხვდეს და მიეჩვიოს იმას, რომ არჩევნები და ამომრჩევლის ურნა არის ის ადგილი, სადაც გადაწყვეტილება უნდა მიიღონ“, - განაცხადა პრემირმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა