2020-05-19 16:52:20, 1233 ნახვა
კომენტარი
ვოლსკი - არ შეიძლება კონკრეტული გადაწყვეტილებები პარლამენტის უცებ შეკრებაზე იყოს დამოკიდებული
არ შეიძლება კონკრეტული გადაწყვეტილებები პარლამენტის უცებ შეკრებაზე იყოს დამოკიდებული, - ამის შესახებ ბიუროს სხდომაზე პარლამენტის თავმჯდომარის პირველმა მოადგილემ გია ვოლსკიმ განაცხადა.
მისი თქმით, მთავრობას უნდა ჰქონდეს ოპერატიულად მოქმედების შესაძლებლობა, რაც 2007 წლიდან კანონითაა განსაზღვრული.
„მთავრობას აქვს იმის რესურსი, რომ მართოს სიტუაცია ისე, რომ ყველა შემთხვევაზე არ სჭირდებოდეს პარლამენტის დასტური. მთავრობას უნდა ჰქონდეს ოპერატიულად მოქმედების შესაძლებლობა - ეს არის კანონით განსაზღვრული, რომელიც მიღებულია 2007 წელს. ჩვენ პრაქტიკულად, ომის პირობებში ვართ. არ შეიძლება ჩამოვკიდოთ კონკრეტული გადაწყვეტილებები პარლამენტის უცებ შეკრებაზე, მითუმეტეს გარკვეული პოლიტიკური ჯგუფები მუდმივად ბოიკოტის რეჟიმში იმყოფებიან“, - განაცხადა გია ვოლსკიმ.
ავტორი: ექსპრესნიუსი,
epn.ge (@expressnews.ge)
