2020-04-30 16:17:13, 15255 ნახვა
ომი უკრაინაში
ქობულეთში კორონავირუსით ინფიცირების კიდევ ერთი ახალი შემთხვევა დაფიქსირდა
ქობულეთის მერის, მირიან ქათამაძის განცხადებით, ქობულეთში კორონავირუსით ინფიცირების კიდევ ერთი ახალი შემთხვევა დაფიქსირდა.
მისი თქმით, ინფიცირებული 60 წლამდე ასაკის პაციენტია.
მერი აღნიშნავს, რომ პაციენტი თვითიზოლაციაში იმყოფებოდა.
„ქობულეთის კლასტერს დაემატა ერთი შემთხვევა. ინფიცირებული არის 60-წლამდე ადამიანი, რომელიც იმყოფებოდა თვითიზოლაციაში. ახალი პაციენტი არის კონტაქტების წრიდან და მიეკუთვნება ე.წ ქალაქის შემთხვევათა რიცხვს.
ეს გამოვლენილი შემთხვევა მკაცრი მეთვალყურეობის ქვეშ იმყოფებოდა. შემოწმებული და დადგენილია ეპიდემიოლოგიური რუკის მიხედვით ყველა კონტაქტი, რომელიც თავის დროზე წარმატებით შეისწავლეს ეპიდემიოლოგებმა“, - განაცხადა მირიან ქათამაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
