NDI-ს კვლევით, თბილისის მერობის კანდიდატების რეიტინგში კახი კალაძე 30%-ით ლიდერობს

2017-07-27 11:29:22, 2491 ნახვა

პოლიტიკა

ეროვნულ-დემოკრატიული ინსტიტუტის (NDI) კვლევის თანახმად, თბილისის მერობის რეიტინგში "ქართული ოცნების" კანდიდატი კახი კალაძე 30%-ით ლიდერობს.

მეორე ადგილზეა ალეკო ელისაშვილი- 19%, ხვალ რომ ადგილობრივი თვითმმართველობის არჩევნები ტარდებოდეს გამოკითხულთა 18% აცხადებს რომ ზაალ უდუმაშვილს მისცემდა ხმას, 5%-ელენე ხოშტარიას.

NDI-მ და CRRC–საქართველომ დღეს მედიას საზოგადოებრივი აზრის კვლევის შედეგების მეორე ნაწილი წარუდგინეს.

კვლევის საველე სამუშაოები ჩატარდა 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,261 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან