ჯიმ რიში – საქართველოში ჩატარებული არჩევნებით იმედგაცრუებული ვარ, წარმოუდგენლად დრამატული იყო

2021-10-05 09:28:33, 768 ნახვა

პოლიტიკა

ამერიკელი სენატორი ჯიმ რიში საქართველოში ჩატარებულ ადგილობრივ თვითმმართველობის არჩევნებთან დაკავშირებით განცხადებას ავრცელებს.

როგორც სენატორი აღნიშნავს, საერთაშორისო საზოგადოება გააგრძელებს არჩევნების მეორე ტურზე ყურადღებით დაკვირვებას.

„ამ შაბათ-კვირას საქართველოში ჩატარებული არჩევნები წარმოუდგენელ იმედგაცრუებას იწვევს და დრამატულად განსხვავდება 2012 წლის არჩევნებისგან, რომლებსაც მე ვაკვირდებოდი. შეწუხებული ვარ დაშინებისა და ხმების მოსყიდვის შესახებ მრავალი ცნობის გამო. საქართველოს მთავრობამ მეორე ტურის ორგანიზებისას უნდა მოაგვაროს ეუთო-ს მიერ ხაზგასმული საკითხები, მათ შორის ძალადობა, რომელიც ვიხილეთ საარჩევნო პერიოდის დროს და თამაშის არათანაბარი პირობები მმართველ პარტიასთან დაპირისპირებული პარტიებისთვის. სამართლიანი და ღია არჩევნები ძლიერი დემოკრატიის ნიშანია", – წერს ჯიმ რიში.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან