„ნაციონალური მოძრაობის“ წევრის, ხატია დეკანოიძის განცხადებით, ერთპარტიული პარლამენტის მიერ ლურჯი მთავრობის დამტკიცება, რომელსაც არაფერი არ გაუკეთებია საქართველოსთვის, სიმბოლური აქტია.

როგორც მან აღნიშნა, მთავრობის თითოეული წევრი ერთი არაფორმალური მმართველის სამსახურშია.

„საზოგადოებისთვის უკვე ფართოდ ცნობილი ფაქტია, რომ ვის დანიშნავს მინისტრად პრემიერი, რომელსაც თავად ბიძინა ივანიშვილი ნიშნავს, არავითარი მნიშვნელობა არ აქვს. ყველა ეს ადამიანი არის ერთი არაფორმალური მმართველის სამსახურში. შესაბამისად, სიმბოლური აქტია ერთპარტიული პარლამენტის მიერ ზუსტად ლურჯი მთავრობის დამტკიცება, რომელსაც რეალურად არაფერი არ გაუკეთებია საქართველოსთვის, ქვეყნის ეკონომიკისთვის, პანდემიის უმძიმესი მდგომარეობისთვის და ზოგადად, ბოლო 8 წლის განმავლობაში თითოეული ადამიანი, რომელიც ცხოვრობს საქართველოში, უფრო და უფრო ღარიბდება“, - განაცხადა ხატია დეკანოიძემ.

შეგახსნებთ, რომ პარლამენტის დღევანდელ სხდომაზე მთავრობას დაამტკიცებენ. 

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა