„რაც ხალხმა საკუთარი ღირსებით და სისხლის ფასად მოიპოვა, იმაზე არ შეიძლება  არც მთავრობასთან ივაჭრო კაბინეტებში და არც სადილებზე  გაცვალო უცხოელ პარტნიორებთან“,  - ამის შესახებ პოლიტიკური მოძრაობა „ტრიბუნას“ ლიდერმა , დავით ჭიჭინაძემ განაცხადა.

მისი თქმით, ვინც დღეს  „ოცნებასთან“ ერთად კაბინეტებში ჯდება, არც  ხალხი  აინტერესებს და არც მათი მონაპოვარი, ისინი მხოლოდ საკუთარი გადარჩენის საშუალებას  ეძებენ.

„რაც ხალხმა საკუთარი ღირსებით და სისხლის ფასად მოიპოვა, იმაზე არ შეიძლება  არც მთავრობასთან ივაჭრო კაბინეტებში და არც სადილებზე  გაცვალო უცხოელ პარტნიორებთან, რადგან პროპორციული არჩევნები კაბინეტებში, სადილებზე და ვახშმებზე არ მიუღიათ!

20 ივნისის შემდეგ „ოცნებამ“  ხალხი გადააგდო  და ვინც დღეს  მათთან ერთად კაბინეტებში ჯდება, მათ არც  ხალხი  აინტერესებს და არც მათი მონაპოვარი, ისინი მხოლოდ საკუთარი გადარჩენის საშუალებას  ეძებენ - ერთმანეთთან ვაჭრობით და უცხოელი პარტნიორის გადაწყვეტილებით, ვის მხარეს აირჩევს,  რადგან ზუსტად იციან რომ ხალხი მათ მხარეს აღარასოდეს დადგება.

ამიტომ, ხალხის ინტერესების კულუარულად განხილვა ამორალური მგონია!

მითუმეტეს, რომ ამ შეხვედრებზე პრაქტიკულად ყველაფერი „ევროული საქართველოს“  დომინაციით მიმდინარეობს -  პარტია, ვისაც  ხალხის ყველაზე ნაკლები მხარდაჭერა აქვს.

ანუ, არავის აქვს იმის უფლება, რომ მთავარი მამოძრავებელი ძალა -ხალხი - თამაშიდან გაიყვანოს. ნებისმიერმა პოლიტიკურმა ძალამ ჯერ ხალხს უნდა ჰკითხოს, აქვთ თუ არა მათ სადმე წასვლის და მათი სახელით,  მათთვის გადაწყვეტილების მიღების უფლება და მხოლოდ ამის შემდეგ დასხდნენ, თუნდაც სადილებზე და თავის წარმოჩენას შეეცადონ.

დღევანდელ რეალობაში  კი,  ერთი რამ იკვეთება, რომ ხალხი, ამ ე.წ. პოლიტიკური  ელიტისთვის“  მხოლოდ საარჩვნო მასალაა და მეტი არაფერი.

მოკლედ, ჩვენი პოლიტიკური  ელიტის კლასი კი ძალიან დაბალია, მაგრამ ხალხია სამაგიეროდ ბრძენი და ეს შემოდგომაზე გამოჩნდება“, - განაცხადა დავით ჭიჭინაძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია