2020-02-27 14:57:36, 2833 ნახვა
რეგიონი
ოკუპირებული ცხინვალის დე ფაქტო მთავრობამ კორონავირუსის გამო ყველა გამშვები პუნქტის სრულად ჩაკეტვა გადაწყვიტა
სამხრეთ ოსეთის დე ფაქტო მთავრობამ კორონავირუსის გამო ე.წ. საზღვარზე ყველა გამშვები პუქნტის ჩაკეტვის გადაწყვეტილება მიიღო.
აღნიშნულის შესახებ ინფორმაციას ადგილობრივი მედია ავრცელებს.
გავრცელებული ინფორმაციით, ამ საკითხზე ოკუპირებული სამხრეთ ოსეთის ე.წ. უშიშროების საბჭოს სხდომაზე იმსჯელეს, რომელსაც სამხრეთ ოსეთის დე ფაქტო ლიდერი ანატოლი ბიბილოვი ხელმძღვანელობდა.
აღსანიშნავია, რომ სხდომა საქართველოში კორონავირუსის პირველი შემთხვევის დაფიქსირების გამო დაინიშნა.
„ეს სერიოზული გამოწვევაა სამხრეთ ოსეთისთვის. რეაქცია ოპერატიული და ამავდროულად აწონ-დაწონილი და სწორი უნდა იყოს“, - განაცხადა ანატოლი ბიბილოვმა.
ავტორი: ექსპრესნიუსი,
epn.ge (@expressnews.ge)
