„საბჭოთა კავშირის ჰიმნი „ქართულ ოცნებას“, როგორც იტყვიან „ზედ აკვდება““, - ამის შესახებ „ევროპული საქართველოს“ წევრმა გიორგი კანდელაკმა განაცხადა.

მისი განცხადებით, ფრაქცია „ქართული ოცნება“ სავსეა კომუნისტური პერიოდის მოღვაწეებით.

„საკუთარი თავის მოსულელება „ქართულ ოცნებას“ ხან კარგად გამოსდის, ხან ცუდად. ამჯერად ცუდად გამოუვიდა, საბჭოთა კავშირის ჰიმნი „ქართულ ოცნებას“, როგორც იტყვიან „ზედ აკვდება“. „ქართული ოცნება“ სავსეა კომუნისტური პერიოდის მოღვაწეებით. მაგალითად, ბატონი ვოლსკი იყო, საქართველოს სსრ კომუნისტური პარტიის, ცეკას ინსტრუქტორი. „ქართული ოცნება“ წარმოადგენს, თავისი არსით და ბუნებით, კომუნისტურ, ნომენკლატურულ რევანშს „ვარდების რევოლუციის“ ფასეულობების წინააღმდეგ. ამიტომ იყო ზედგამოჭრილი საბჭოთა კავშირის ჰიმნი, საბჭოთა კავშირის სიმბოლოებიც და საბჭოთა სულისკვეთებაც „ქართული ოცნებისთვის“. მერაბ კოსტავა რომ ციხეში იჯდა საქართველოს თავისუფლებისთვის ბრძოლისთვის, ბატონი ვოლსკი, ბატონი კოპალიანი და არაერთი ბატონი „ქართული ოცნების“ რიგებში მყოფი და ივანიშვილის კარზე დღეს დაწინაურებული იბრძოდნენ  საქართველოს დამოუკიდებლობის წინააღმდეგ“, - განაცხადა გიორგი კანდელაკმა.

შეგახსენებთ, რომ გუშინ, 18 თებერვალს, პარლამენტის პლენარულ სხდომაზე, სადაც საქართველოს პარლამენტის თავმჯდომარე არჩილ თალაკვაძე ყოველწლიურ ანგარიშს წარადგენდა, „ევროპული საქართველოს“ წევრებმა ელენე ხოშტარიამ და ირმა ნადირაშვილმა სხდომათა დარბაზში საბჭოთა კავშირის ჰიმნი გააჟღერეს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია