პარტია „სამართლიანობისთვის“ ლიდერი ეკა ბესელია აცხადებს, რომ მმართველი გუნდის ბოლო შეთავაზებას, ჩატარდეს არჩევნები 100/50-ზე პროპორციით, მხარს არ დაუჭერს.

როგორც ბესელიამ აღნიშნა, შეთავაზებული საარჩევნო მოდელი უტიფარი პოზიციის დემონსტრირებაა.

მისივე თქმით, დამოუკიდებელ დეპუტატებს საარჩევნო სისტემასთან დაკავშირებით საკუთარი ვერსია აქვთ.

„ ეს შეთავაზება არ იქნება მხარდაჭერილი ჩვენი მხრიდან. ისეთი წინაპირობა აქვს ამ ყველაფერს, რომ 2020 წლის შემდეგაც, მომდევნო არჩევნებიც უნდათ, რომ შერეული სისტემით ჩატარდეს. ეს არის პირობა იმისა, რომ 100/50 -ის პროპორციით მოხდეს შეთანხმება, რაც ვერ მოხდება. ეს არის ძალიან უტიფარი პოზიციის დემონსტრირება. ასე რომ, შემდეგ შეხვედრაზე, რომელიც იმედია, შემდეგ კვირას გაიმართება, ალბათ ნათლად გამოჩნდება, ამ მოლაპარაკებას აზრი აქვს და რაიმე კონსესუსამდე მივა, თუ არა. ჩვენ ჩვენი ვერსია გვაქვს. გარდა იმისა, რომ ინიცირებულია კანონპროექტი და უკვე დასკვნაც მალე უნდა იყოს, ამავე დროს გვაქვს ამ პროპორციასთან დაკავშირებით სამსჯელო ვერსიაც. ალბათ ამაზეც იქნება დისკუსია. ანუ, იმდენად უნდა იყოს მიახლოვებული პროპორციულ სისტემასთან, რომ გამოირიცხოს უსამართლო შედეგების ალბათობა. თუ შეთანხმება ვერაფერზე მოხდა, ვფიქრობ, რომ ეს არჩევნების შედეგებზე გავლენას მოახდენს იმ საერთაშორისო სადამკვირვებლო მისიების ანგარიშების სახით, რომელმაც საბოლოოდ უნდა თქვას, ცნობს ამ არჩევნებს თუ არა“ ,- განაცხადა ეკა ბესელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა