2020-01-23 15:03:20, 3688 ნახვა
მსოფლიო
CNN-ის ინფორმაციით, კორონავირუსით დაინფიცირებულ ადამიანთა რიცხვი 600-ს აღწევს
კორონავირუსით დაინფიცირებულ ადამიანთა რიცხვი 600-ს აღწევს, გარდაცვლილია 17 ადამიანი“, - ამის შესახებ ინფორმაციას CNN ავრცელებს.
როგორც გამოცემის ინფორმაციაშია აღნიშნული, კორონავირუსით ინფიცირების შემთხვევები აშშ-ის დასავლეთშიც დაფიქსირდა.
მათივე ცნობით, ჩინეთის ხელისუფლებამ ქალაქი ვუჰანი, სადაც 11 მილიონი ადამიანი ცხოვრობს, ბლოკადაში მოაქცია. როგორც ცნობილია, შეწყდა საზოგადოებრივი ტრანსპორტის მიმოსვლა, მოსალოდნელია მეტროს დახურვაც.
ჩინეთის ხელისუფლების გადაწყვეტილებით, საჰაერო და სარკინიგზო მიმოსვლა დროებით შეჩერდება. მთავრობა ტურისტებს ვუჰანში სტუმრობისგან თავის შეკავებისკენ მოუწოდებს, ადგილობრივებს კი ურჩევს, არ დატოვონ ქალაქი.
ავტორი: ექსპრესნიუსი,
epn.ge (@expressnews.ge)
