ბერლინის კონფერენციაზე ლიბიისთვის იარაღის მიწოდების აკრძალვაზე შეთანხმდნენ

2020-01-20 10:44:15, 4112 ნახვა

მსოფლიო

გერმანიის დედაქალაქში გამართულ საერთაშორისო კონფერენციაზე მსოფლიოს სხვადასხვა ქვეყნის ლიდერები ლიბიისთვის ცეცხლის შეწყვეტის აუცილებლობასა და იარაღის მიწოდების აკრძალვის შესახებ შეთანხმდნენ.

აღნიშნულ ინფორმაციას „ deutsche welle “ ავრცელებს.

გამოცემის ცნობით, დოკუმენტს 16 სახელმწიფომ და ორგანიზაციამ მოაწერეს ხელი, მათ შორის იყო რუსეთის პრეზიდენტი, ვლადიმერ პუტინი და გერმანიის კანცლერი, ანგელა მერგეკლი.

ანგელა მერკელის განცხადებით, გადადგმული ნაბიჯი მნიშვნელოვანი გადაწყვეტილებაა და კონტროლი უფრო უნდა გამკაცრდეს.

„საკითხის გადაწყვეტის დროს ყველა მონაწილე კონსტრუქციულად მუშაობდა. ყველა შევთანხმდით, რომ იარაღის შეტანაზე დაწესებულ ემბარგოს ვცემთ პატივს და ამ საკითხის კონტროლი ბევრად მკაცრად უნდა განხორციელდეს, ვიდრე აქამდე“, - დასძინა გერმანიის კანცლერმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან