2019-12-27 20:27:21, 1646 ნახვა
კომენტარი
კალაძე: ყველაზე მაგრად არის განათებული ქალაქი, ყველაზე მაგარი ნაძვის ხე გვაქვს და ყველაზე მაგარი კონცერტი გვექნება
„არავის მივცემთ საშუალებას, რომ ბავშვებს და მათ, ვისაც უხარია, მოსწონს საახალწლოდ მორთული თბილისი, ეს სიხარული წაართვან და მოპარონ“, - ამის შესახებ თბილისის მერმა კახა კალაძემ ჟურნალისტებს განუცხადა.
როგორც მან აღნიშნა, თბილისი ყველაზე ლამაზად არის მორთული და საუკეთესო ნაძვის ხე აქვს.
„ჩვენი ქალაქი ყველაზე ლამაზია, საახალწლოდ განათებული. ყველაზე ლამაზი ნაძვის ხეც გვაქვს. მცდელობას, რომ ბავშვებს და მათ, ვისაც უხარია, ვისაც მოსწონს საახალწლოდ მორთული თბილისი, წაართვან, მოპარონ ეს ეს სიხარული, ამის საშუალებას ვერ მივცემთ. ყველზე მაგრად არის განათებული, ყველაზე მაგარი ნაძვის ხეც გვაქვს და ყველაზე მაგარი კონცერტიც გვექნება. ეს ტენდენცია, მიდგომები ყველგან და ყველაფერში გაგრძელდება“, - განაცხადა კახა კალაძემ.
ავტორი: ექსპრესნიუსი,
epn.ge (@expressnews.ge)
