„საზოგადოებამ უნდა გაიგოს, რომ კუხიანიძის გამო შეუძლიათ ფიზიკურად დაუპისრისპირდნენ საკრებულოს სხვა დეპუტატებს, მათ შორის ოპოზიციონერებსაც“, - ამის შესახებ თბილისის საკრებულოს ფრაქცია „ერთიანი ნაციონალური მოძრაობის“ წევრამ ლევან ხაბეიშვილმა განაცხადა.

მისი თქმით, ერეკლე კუხიანიძეს არა საკრებულოში, არამედ საზოგადოებაშიც არაფერი არ ესაქმება.

„რეალობა არის შემდეგი, რომ საზოგადოებამ კარგად უნდა გაიგოს რაშია საქმე. მე მეუბნებიან გარემოს დაცვის კომისიაზე სახელმწიფოს მტერი რომ არის იმ კაცთან ერთად ვისაუბროთ პეპლებზე და ხეების გადარგვაზე და გადმორგვაზეაო. ეს კაცი ცინიკურად მოდის მაშინ, როცა ვაჟა გაფრინდაშვილი ტყვეობაში ჰყავთ ჯურღმულში და ოკუპანტებმა 1 წელი და 9 თვე მიუსაჯეს, ამ დროს ეს კაცი თბილად გადაადგილდება. მეტიც, დიდი პატივით ხვდება „ქართული ოცნება“ და კომისიის სხდომაზე, თურმე პეპლებზე ამ კაცთან ერთად უნდა ვისაუბრო. გარდა იმისა, რომ ის ბატონ ვაჟა გაფრინდაშვილს აყენებს შეურაცხყოფას, ჩვენ ხომ ვნახეთ ამ დღეებში მან თქვა, რომ ოკუპირებულ ტერიტორიაზე დადღაბნილი კანონებიაო და იმას პატივი უნდა ვცეთო. გუშინ მოგვიყვა, რომ ოკუპანტი რუსებს არ უნდა ვეძახოთ, რადგან ვაღიზიანებთო. ამ დროს ჩვეულებრივი პატარა გავრილოვი გვიზის დედაქალაქის საკრებულოში და გენერალური მესიჯი, რომელსაც ვიხვეწები, რომ გაუგზავნონ დანარჩენ მსოფლიოს ოკუპანტებს არის შემდეგი, რომ ამ კაცს არა საკრებულოში, არამედ საზოგადოებაშიც არაფერი არ ესაქმება. კაცი, რომელიც ამბობს, რომ ოკუპირებული ტერიტორიები ვაღიაროთ, მათი კანონები ვაღიაროთ, ვაჟა გაფრინდაშვილს წიხლი ჩავაყოლოთ. საკრებულოს თავმჯდომარე ნაცვლად იმისა, რომ მასთან შევიდეს კამათში მთელი 15 წუთი მე მეკამათება. დოხტურიშვილის გაკეთებული განცხადება ისტორიას არ ახსოვს დედაქალაქში, მაგრამ კუხიანიძის დასაცავად მათ შორის მზად არის ფიზიკურ დაპირისპირებაშიც შემოვიდეს. ვის ეშინია დოხტურიშვილის, ერთს თუ მოიქნევს ორს მოვუქნევ, მაგის პრობლემა არ არის. საზოგადოებამ უნდა გაიგოს, რომ კუხიანიძის გამო შეუძლიათ ფიზიკურად დაუპისრისპირდნენ საკრებულოს სხვა დეპუტატებს, მათ შორის ოპოზიციონერებსაც. თუმცა კუხიანიძეს არანაირი დისკომფორტი არ უნდა შეექმნას“,  - განაცხადა ლევან ხაბეიშვილმა.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე