„მეც  ვყოფილვარ ოპოზიციის მხრიდან „ფეისბუქზე“ ამგვარი ტროლების მსხვერპლი“, - ასე ეხმაურება იუსტიციის მინისტრი თეა წულუკიანი სოციალურ ქსელ „ფეისბუქის" მიერ ანგარიშებისა და გვერდების წაშლას.

მისი თქმით, სოციალურ ქსელს შესაძლოა ყველა ინდივიდი, ორგანიზაცია თუ პოლიტიკური პარტია საზოგადოებისთვის საკუთარი არგუმენტების  გასაცნობად იყენებდეს.

„იმ უსაზღვრო თავისუფლების ფარგლებში, რომელიც საქართველოშია და ეს არის ძალიან მისასალმებელი და კარგი, სოციალურ ქსელს ყველა ინდივიდი ან რომელიმე ორგანიზაცია თუ პოლიტიკური პარტია შეიძლება იყენებდეს იმისთვის, რომ საკუთარი არგუმენტები გააცნოს საზოგადოებას. მაგალითად მე, ვყოფილვარ ოპოზიციის მხრიდან „ფეისბუქზე“ ამგვარი ტროლების მსხვერპლი. კარგია რომ facebook-ი ამაზე მუშაობს და ალბათ მომავალშიც დასჭირდება არა მხოლოდ საქართველოში, როგორც ჩვენ ვნახეთ ამერიკის შეერთებულ შტატებშიც და სხვა ქვეყნებშიც ამგვარი ანგარიშები. დღეს პარლამენტის თავმჯდომარემაც განაცხადა, რომ მთავარი ტროლები ქუჩაში არიან და ცდილობენ თქვენ, საზოგადოებას ბოკერიები, სხვები და მათი ბელადი, რომელიც საზღვარგარეთ არის ტყუილი მოგყიდონ“, - განაცხადა თეა წულუკიანმა.

ჟურნალისტების შეკითხვას, იცოდა თუ არა, რომ ტროლები მისივე პარტიას ემსახურებოდნენ მინისტრი პასუხობს, რომ აღნიშნულთან დაკავშირებით ინფორმაცია არ აქვს.

შეგახსენებთ, რომ Facebook-მა „ქართულ ოცნებასთან“ დაკავშირებული ასობით გვერდი, ჯგუფები და ყალბი ანგარიშები წაშალა, რომლებიც  პროსახელისუფლებო, ანტიოპოზიციურ და ანტიდასავლურ კამპანიაში იყვნენ ჩართულნი.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე