ევროპული საბჭოს პრეზიდენტმა დონალდ ტუსკმა, საქართველოს სამშვიდობო კონტინგენტს, ევროკავშირის მისიის ეგიდით ცენტრალური აფრიკის რესპუბლიკაში გაწეული სამსახურისთვის მადლობა გადაუხადა.

როგორც ტუსკმა პრეზიდენტის რეზიდენციაში ჯარისკაცებისთვის სიტყვით მიმართვისას განაცხადა, სამშვიდობო მისიებში საქართველოს მონაწილეობა ქვეყნის წარმატების წინაპირობაა. 

ევროპული საბჭოს პრეზიდენტმა მისიაში ქართული კონტინგენტის წვლილს მაღალი შეფასება მისცა და მათ ყოველივე კარგი უსურვა.

 „ძვირფასო ჯარისკაცებო, მე მინდა მადლობა გადაგიხადოთ იმ სამსახურისთვის, რასაც ევროპას უწევთ მშვიდობისა და უსაფრთხოების მისაღწევად. თქვენმა შრომამ, თავგანწირვამ ევროკავშირში მაღალი შეფასება მიიღო და მე პირადად ძლიერ ვამაყობ თქვენით, თქვენი ღვაწლით ცენტრალური აფრიკის რესპუბლიკაში. თქვენ უნდა გიმადლოდეთ, თქვენს მზაობას, პროფესიონალიზმსა და სიმამაცეს, თქვენს ერთგულებას. საქართველო აქედან გამომდინარე ალბათ ერთ-ერთი საუკეთესო მაგალითი გახლავთ მსოფლიოში საერთაშორისო სოლიდარობის. ჩვენი სამხედრო ოპერაციები ცენტრალური აფრიკის რესპუბლიკაში, ქმნის უსაფრთხოებას ძალიან რთულ ტერიტორიაზე, ეხმარება ადგილობრივ მოსახლეობას, რომ ჰუმანიტარულმა დახმარებამ მიაღწიოს იმათთან, ვისაც ეს ყველაზე მეტად ესაჭიროება. ჩვენ ერთად ვმუშაობთ საერთაშორისო თანამეგობრობის სახელით, უსაფრთხოების საბჭოს მანდატით და ფართო საერთაშორისო ძალისხმევის ჩარჩოებში. საქართველოს მონაწილეობა ოპერაციაში მეორე, ყველაზე დიდი კონტიგენტის სახით, გახლდათ წინაპირობა ქვეყნის წარმატებისა. ერთად ჩვენ ძალიან მნიშვნელოვანს ვაღწევთ ევროპული, გლობალური თანამშრომლობისა და სოლიდარობის სულისკვეთებით. მე თქვენს წვლილს მაღალ შეფასებას ვაძლევ და ყოველივე კარგს გისურვებთ ძვირფასო მეომრებო“, - განაცხადა დონალდ ტუსკმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა