„ერთადერთი, ვისთანაც მოლაპარაკებები გვაქვს, ის ადამიანები არიან, რომლებმაც კენჭისყრის შედეგებიდან გამომდინარე უმრავლესობის დატოვება გადაწყვიტეს“, - ამის შესახებ დეპუტატმა თამარ ჩუგოშვილმა ახალი ფრაქციის შექმნაზე საუბრისას განაცხადა.

როგორც მან აღნიშნა, ახალი ფრაქცია პარლამენტში ჯანსაღი პოლიტიკური პროცესებისთვის კარგი რესურსი იქნება.

„ვფიქრობ, საკმარისი რაოდენობით მოვგროვდებით პარლამენტის წევრები, რომლებსაც სურვილი ექნებათ, ახალი ფრაქცია შევქმნათ. გვარებს და დეტალებს ჯერ ვერ გეტყვით, რადგან რამდენიმე დღე გვჭირდება. ერთადერთი, ვისთანაც მოლაპარაკებები გვაქვს, ის ადამიანები არიან, რომლებმაც კენჭისყრის შედეგებიდან გამომდინარე უმრავლესობა დატოვეს. ყველა ადამიანი, ვისთანაც საუბარი გვაქვს, არის ძალიან პრინციპული და პროფესიონალი. ეს ფრაქცია, რომელიც შეიქმნება, კარგი რესურსი იქნება, რომ პარლამენტში ჯანსაღი პოლიტიკური პროცესები გვქონდეს“,  – განაცხადა თამარ ჩუგოშვილმა.

რაც შეეხება კითხვას, აპირებენ თუ არა პოლიტიკური პარტიის შექმნას, დეპუტატმა აღნიშნა, რომ ამის საჭიროებას ვერ ხედავენ.

„კიდევ ერთი დამატებითი პარტიის შექმნის საჭიროებას ვერ ვხედავთ. პირიქით, მგონია, რომ ქვეყანაში ძალიან ბევრი პარტიაა. დროც არ ყოფილა, რომ პოლიტიკაში ასეთ სერიოზულ და მთელი ცხოვრების გეგმებზე გვეფიქრა, რადგან გადაწყვეტილების მიღების შემდეგ რამდენიმე დღეა გასული. ჩვენი გეგმები დაკავშირებულია იმასთან, დარჩენილი ერთი წლის განმავლობაში როგორ უნდა წარიმართოს საპარლამენტო საქმიანობა და ეს ვადა დავასრულოთ ღირსეულად“, – აღნიშნა დეპუტატმა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს